टेस्ट राष्ट्र जिम्बाब्वे ‘ए’ टिमको नेपाल भ्रमण अन्तर्गत तिन खेलको टि-ट्वान्टी सिरिज आइतबार सुरु भएको छ।
टियु क्रिकेट मैदानमा जारि सिरिजको पहिलो खेलमा टस हारेर ब्याटिंग गरेको नेपालले निर्धारित २० ओभरमा १८१ रन बनाउदै जिम्बाब्वे ‘ए’ लाई १८२ रनको लक्ष्य प्रस्तुत गरेको छ।
नेपालको ब्याटिंगमा मोहम्मद आदील आलमले सर्वाधिक ४७ रन बनाए जुन क्रममा अविजित रहँदै उनले २७ बलमा ४ चौका र ३ छक्का प्रहार गरे। कुशल भुर्तेलले ४६, रोहित पौडेलले ३६ तथा दिपेन्द्र ऐरीले २८ रन योगदान दिए। स्कोरकार्ड
ओपनर आसिफ सेख ९ रन बनाएर आउट हुँदा दोश्रो विकेटको लागि भुर्तेलले रोहित पौडेलसंग ५७ रन जोडे। एघरुण ओभरमा भुर्तेललाई ब्राण्डन मभुताले क्याच आउट पारे। तेश्रो विकेटको लागि रोहित पौडेल र दिपेन्द्र ऐरीले ३९ रन जोडे। रोहित १४ औं र दिपेन्द्र १६ औं ओभरमा आउट भए। त्यसपछि आदील आलमले आक्रामक ब्याटिंग गरे।
जिम्बाब्वे ‘ए’ का बलर ब्राड इभान्स, लु जोंग्वे, ब्राण्डन मभुता र जोन मसाराले १/१ विकेट लिए।
खेलमा नेपालले देब्रे हाते स्पिन अलराउण्डर बसिर एहमदलाई डेब्यु गराएको छ।
