- विकेटनेपाल- साउन ३०
मलेसियामा अगस्ट १९ देखि सुरु हुने २९ औँ साउथ-इस्ट गेम्स २०१७ को क्रिकेट विधा अन्तर्गत हुने खेलहरुमा २ नेपाली अम्पायरहरुले अम्पयारिंग गर्ने भएका छन् l
बुद्धि बहादुर प्रधान र दुर्गानाथ सुबेदी प्रतियोगितामा अम्पायरको भूमिका निभाउन मंगलबार मलेसिया प्रस्थान गरेका छन् l
टि-२० र ५० ओभर गरि २ वटा फर्म्याटमा महिला र पुरुष क्रिकेट टिमले खेल्ने क्रिकेट विधामा १० रास्ट्र खेल्नेछन् l आयोजक मलेसिया सहित थाईल्याण्ड, सिंगापुर, म्यानमार, भीयतनाम, टिमोर-लेस्टे, ब्रुनाई, कम्बोडिया, इन्डोनेसिया, लाओस क्रिकेट विधामा सहभागी छन् l
प्रधान र सुबेदी अन्तर्राष्ट्रिय क्रिकेट परिषद ( आईसीसी ) को डेभलपमेन्ट प्यानलका अम्पायरहरु हुन् l दुवै यसै महिना सम्पन्न यु-१९ एसिया बिश्वकप छनौटमा समेत अम्पायरको भूमिकामा थिए l
सन् २००६ मा केन्या र बर्मुडा बीच एकदिवसीय अन्तर्राष्ट्रिय प्रतियोगितामा अम्पायरको भूमिका निभाएका प्रधानले हालसम्म २४ वटा एकदिवसीय अन्तर्राष्ट्रिय प्रतियोगिता खेलाईसकेका छन् l यस्तै सन् २०१२ मा आयरल्याण्ड र केन्या बीच टि-२० अन्तर्राष्ट्रियमा डेब्यु गरेका प्रधानले अन्तिम पटक यसै बर्ष जनवरीमा आयरल्याण्ड र अफगानिस्तान बीचको भएको टि-२० अन्तर्राष्ट्रियमा अम्पायर थिए l उनि नेपालकै सबैभन्दा सफल क्रिकेट अम्पायर हुन् l
यस्तै अम्पायर सुबेदीले आईसीसी वर्ल्ड क्रिकेट लिगको खेलहरुमा अम्परिंग गर्दै आएका छन् l नेपाल र केन्या बीच यसै बर्ष सम्पन्न बिश्व क्रिकेट लिग च्याम्पियनसिपको खेलमा उनि रिजर्भ अम्पायरको भूमिकामा थिए l यस्तै नेपाल टेलिभिजनका सिनियर समाचार सम्पादक रहेका उनि क्रिकेट कमेन्टेटरको रुपमा पनि परिचित छन् l
