काठमाडौं । कोलकाता नाइट राइडर्सका स्पिन अलराउण्डर सुनिल नारायणले १७ औं संस्करण इन्डियन प्रिमियर लिग (आइपीएल) २०२४ मा सर्वोत्कृष्ट (मोष्ट भ्यालुएबल) खेलाडीको अवार्ड जितेका छन् ।
कोलकातालाई तेस्रोपटक च्याम्पियन बनाउन सुनिल नारायणले शानदार अलराउन्ड प्रदर्शन गरेका थिए । नारायणले यस सिजनको आइपीएलमा १७ विकेट लिनुको साथै ४ सय ८८ रन बनाएका थिए ।
कोलकाताले फाइनलमा सनराइजर्स हैदराबादलाई ८ विकेटले हराउँदै उपाधि जितेको थियो ।
रोयल च्यालेन्जर्स बेंगलुरुका विराट कोहलीले ७ सय ४१ रन बनाउँदै सर्वाधिक रनकर्ता बन्दै ओरेन्ज क्याप जितेका छन् । त्यस्तै पञ्जाब किंग्सका हर्षल पटेलले २४ विकेटका साथ सर्वाधिक विकेटकर्ता बन्दै पर्पल क्याप जितेका छन् ।
त्यस्तै, सनराइजर्स हैदराबादले फेयर प्ले अवार्ड जितेको छ । हैदराबादका नितेश कुमार रेड्डीले इमर्जिङ प्लेयर अवार्ड उपाधि जिते । क्याच अफ ल सिजन कोलकाताका रमनदिप सिंहले जित्दा मोस्ट स्ट्राइकर अफ द सिजन जेक फ्रेजरले जितेका छन् । मोस्ट फोर अफ द सिजन हैदराबादका ट्राभिस हेडले जित्दा मोस्ट सिक्स अफ द सिजन हैदराबादका अभिसेक शर्माले जितेका छन् ।
च्याम्पियन कोलकाताले २० करोड भारु उपाधि पाउनेछ । उपविजेता हैदराबादले १२ करोड ५० लाख भारु पाउनेछ । व्यक्तिगत अवार्डतर्फका विजेताले समान १० लाख पाउनेछन् ।
