काठमाडौं । अफगानिस्तानले टी-२० विश्वकपको ईतिहासमा पहिलो पटक सेमिफाइनलमा स्थान बनाएको छ । पहिलो पटक विश्वकपको सेमिफाइनलमा स्थान बनाउँने क्रममा अफगानिस्तानले बंगलादेशमाथि जित हात पार्यो ।
सन् २०१० को दोस्रो संस्करणको टी-२० विश्वकपबाट निरन्तर सहभागी हुदै आएको अफगानिस्तानले नवौं संस्करणमा आएर यो सफलता पाएको हो ।
वेस्ट इन्डिजको सेन्ट भिन्सेन्टमा भएको खेलमा अफगानिस्तान डकवर्थ लुईस पद्दतीमा ८ रनले विजयी भएको हो ।
अफगानिस्तानले दिएको १ सय १६ रनको लक्ष्य पछ्यमएको बंगलादेशले ओभरमा अल आउट हुदै रन मात्र बनाउन सक्यो ।
बंगलादेशका लागि ४९ बलमा ५ चौका र १ छक्काको सहयोगमा ५४ रनको अर्धशतकीय ईनिङ खेले । ओपनरका रुपमा क्रिजमा आएका दास अन्तिमसम्म क्रिजमा रहिरहँदा अर्को तर्फबाट भने निरन्तर विकेट निरन्तर गईरहँदा टोली पराजित हुन पुग्यो ।
अफगानिस्तानका लागि कप्तान राशिद खान र नभिन उल हकले समान चार चार तथा फैजलहक फारुकी तथा गुलबदीन नईबले समान एक एक विकेट लिए ।
त्यसअघि टस जितेर पहिले ब्याटिङ गरेको अफगानिस्तानले निर्धारित २० ओभरमा ५ विकेट गुमाएर १ सय १५ रन बनाएको थियो ।
अफगानिस्तानका लागि रहमानुल्लाह गुर्वाजले ५५ बलमा ४३ तथा इब्राहिम जाद्रानले २९ बलमा १८ रन बनाए । कप्तान राशिद खानले १० बलमा १९ तथा अजमतुल्लाह उमरजाइले १० रन बनाए ।
बंगलादेशका लागि रिषद होसेनले तीन तथा तस्किन अहमद र मुस्ताफिजुर रहमानले समान एक एक विकेट लिए ।
