काठमाडौं । नेपाली राष्ट्रिय क्रिकेट टिमका तीन खेलाडीले क्यानडाको ग्लोबल टी–२० लिग खेल्ने भएका छन् ।
नेपालका कप्तान रोहितकुमार पौडेल, अलराउन्डर दीपेन्द्रसिंह ऐरी र बलर सन्दीप लामिछानेले ग्लोबल टी–२० खेल्ने भएका हुन् ।
दीपेन्द्र र सन्दीप भान्कोउभेर नाइट्सबाट र कप्तान रोहितले भने टोरोन्टो नेसनल्सबाट प्रतियोगिता खेल्ने छन् ।
सन्दीप र दीपेन्द्रआबद्ध टिममा पाकिस्तानका कप्तान बाबर आजम, मोहम्मद रिजवान र मोहम्मद आमिरलगायत खेलाडी आबद्ध छन् ।
रोहितआबद्ध टोलीमा भने कोलिन मुन्रो तथा साहिन शाह अफ्रिदी लगायतका खेलाडी आबद्ध छन् ।
कप्तान रोहितले पहिलो पटक अन्तर्राष्ट्रिय फ्रेन्चाइज लिग खेल्ने भएका हुन् । सन्दीप र दीपेन्द्रले भने यसअघि पनि विभिन्न फ्रेन्चाईजी लिग खेलेका थिए ।
