आइपीएल च्याम्पियन बन्ने यात्रा…

काठमाडौं । १७ औं संस्करणको इन्डियन प्रिमियर लिग (आइपीएल) को प्लेअफ समिकरण पूरा भएको छ ।

१० टोली सहभागी लिगमा कोलकाता नाइटराइडर्सले समूह चरणमा शीर्ष स्थानमा रहेर प्लेअफ यात्रा गर्दा सनराइजर्स हैदराबाद दोस्रो स्थानमा रह्यो । राजस्थान रोयल्स तेस्रो स्थानमा रहँदा पहिलो पटक च्याम्पियन बन्ने लक्ष्यमा रहेको रोयल च्यालेन्जर्स बेंगलुरुले लिग चरण चौथो स्थानमा रहेर पूरा गर्यो ।

फाइनलसम्म पुग्नका लागि चार टोलीले आफ्नो आफ्नो स्पष्ट बाटो पाइसकेका छन् । प्लेअफका खेलहरु अअहमदाबाद र चेन्नईमा हुँदा फाइनल खेल समेत चेन्नईमा हुनेछ ।

पहिलो क्वालिफायर

प्लेअफ चरणको पहिलो खेल पहिलो क्वालिफायरबाट सुरु हुनेछ । पहिलो क्वालिफायर मंगलबार बेलुका पौने ८ मा अहमदाबादमा हुनेछ । पहिलो क्वालिफायरमा समूह चरणको शीर्ष स्थानमा रहेको कोलकाता र दोस्रो स्थानमा रहेको हैदराबादबीच खेल हुनेछ । पहिलो क्वालिफायरको विजेताले २६ मे मा हुने फाइनलमा स्थान बनाउँदा पराजित हुने टोलीले फाइनल प्रवेशका लागि दोस्रो मौका पाउँने छ ।

पराजित टोलीले २४ मे मा हुने दोस्रो क्वालिफायर खेल्न पाउँनेछ । दोस्रो क्वालिफायरमा इलिमिनेटर खेलको विजेतासँग पहिलो क्वालिफायर टोलीको प्रतिस्पर्धा हुनेछ ।

इलिमिनेटर

प्लेअफ चरणको दोस्रो खेल इलिमिनेटर खेल हुनेछ । इलिमिनेटर खेलमा आइपीएलको समूह चरणको खेलमा तेस्रो स्थानमा रहेको राजस्थान र चौथो स्थानमा रहेको बेंगलुरुबीच खेल हुनेछ । इलिमिनेटर खेल बुधबार अहमदाबादमा हुनेछ ।

इलिमिनेटरको विजेताले २४ मे मा चेन्नइमा हुने दोस्रो क्वालिफायरमा स्थान बनाउँदा पराजित टोली प्रतियोगिताबाट बाहिरिनेछ ।

दोस्रो क्वालिफायर

प्लेअफ चरणको तेस्रो तथा अन्तिम खेलका रुपमा दोस्रो क्वालिफायर रहने छ । दोस्रो क्वालिफायर २४ मे मा चेन्नईमा हुनेछ । दोस्रो क्वालिफायरमा पहिलो क्वालिफायरको पराजित टोली र इलिमिनेटर खेलको विजेता टोलीबीच हुनेछ ।

दोस्रो क्वालिफायरको विजेता टोलीले पहिलो क्वालिफायरको विजेता टोलीसँग २६ मे मा हुने फाइनल खेलका लागि आफुलाई सुरक्षित राख्ने छ । पराजित टोली भने प्रतियोगिताबाट बाहिरिनेछ ।

फाइनल

पहिलो र दोस्रो क्वालिफायरका विजेता टोलीबीच च्याम्पियन बन्न फाइनलमा भिडन्त हुनेछ । फाइनल खेल २६ मे मा चेन्नईमा आयोजना हुँदै छ ।





थप समाचार

नेपालमाथी बंगलादेशको जित, बंगलादेश सुपर एटमा

काठमाडौं । बंगलादेश वेस्ट इन्डिज र अमेरिकामा जारी रहेको टी-२० विश्वकपमा नेपाललाई पराजित गर्दै सुपर एटमा प्रवेश गरेको छ । […]

नेपाली बलिङ सामू चलेन बंगलादेशको ब्याटिङ, १०६ रनमा नै अल आउट

काठमाडौं । नेपाली बलर सामू खुलेर खेल्न नसक्दा बंगलादेश वेस्ट इन्डिज र अमेरिकामा जारी रहेको टी-२० विश्वकपमा बंगलादेश १ सय […]

सन्दीपले पूरा गरे कीर्तिमानी १०० विकेट

काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले टी-२० आईमा कीर्तिमानी १ सय विकेट पूरा गरेका छन् । […]

सन्दीपले मौका पाउँदा करण बेन्चमा

काठमाडौं । बंगलादेशविरुद्धको आइसीसी टी-२० विश्वकपको खेलमा नेपालले गत शनिबार दक्षिण अफ्रिकाविरुद्ध खेलेको टिमबाट एक परिवर्तन गरेको छ । नेपाली […]

नेपालले टस जित्यो, पहिले बलिङ गर्दै

काठमाडौं । वेस्ट इन्डिज र अमेरिकामा जारी रहेको नवौं संस्करणको टी-२० विश्वकपको समूह चरणको अन्तिम खेलमा नेपालले बंगलादेशविरुद्ध पहिले बलिङ […]

बंगलादेशविरुद्ध नेपालको सम्भावित प्लेईङ-११

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा समूह डी मा रहेको नेपालले समूह चरणको अन्तिम खेलमा […]