रुपन्देही सुपरलिग क्रिकेट : जितसँगै देवदह युनिट डिभिजन ‘ए’ मा

फागुन ९, भैरहवामा जारी नेपाल टेलिकम रुपन्देही सुपरलिग क्रिकेट प्रतियोगिताको सोमबारको खेल देवदह क्रिकेट युनिटले जितेको छ । रुपन्देही क्रिकेट संघको आयोजनामा सिद्धार्थ रंगशालामा भएको डिभिजन ‘बी’ अन्तर्गतको खेलमा लुम्बिनी शाक्यानलाई ३६ रनले पराजित गर्दै विजयी हासिल गरेको हो । जितसँगै देवदह डिभिजन ‘ए’ मा उक्लेको छ ।

निर्धारित ५० ओभरको खेलमा सुरुवाती ब्याटिङ पाएकोे देवदहले सबै विकेट गुमाउँदै ३३ दशमलव २ ओभरमा १३६ रन बनाएको थियो । जसका लागि विनित कार्कीले सर्वाधिक ५८, सुमनराज पाण्डेले २२ र अस्फाक खानले १३ रन बनाए । बलिङमा लुम्बिनी शाक्यानका धुरूप चन्द कुर्मीले चार, मनुवर आलम खान र अख्तर हुसेनले दुई–दुई विकेट लिए ।

१३७ रनको लक्ष्य पाएको लुम्बिनी शाक्यानले २१ ओभरमा सबै विकेट गुमाई एक सय रनमै समेटियो । लुम्बिनी शाक्यानका अजाज अहमद खान र शोभकान्त केवटले १८-१८ र जावेद अलि मुसलमानले १५ रन बनाए । देवदहका विजय सुनारले ह्याट्रिकसहित चार ओभरमा नौ रन खर्चेर चार विकेट र कीर्तिमान ढकालले तीन विकेट लिँदै म्यान अफ द म्याच भए ।

मंगलबारको खेल सैनामैना क्रिकेट क्लब र प्रोफेसनल मास्टर्सबीच हुने संघका सचिव सञ्१जय गुरुङले जानकारी दिए । २०५४ देखि निरन्तर हुँदै आएको नेपालकै एक मात्र सुपरलिग प्रतियोगितामा जिल्लाभित्रका ‘ए’ डिभिजनका आठ र ‘बी’ डिभिजनका १२ गरी २० टिम सहभागी छन् । एकदिवसीय ५०–५० ओवर फम्र्याटमा खेलाइने ‘बी’ डिभिजनका टप हुने टीम ‘ए’ डिभिजनमा बढुवा हुने गरी प्रतिस्पर्धा गराइने संघका सचिव गुरुङले बताए ।

‘ए’ डिभिजनका आठ टिम र ‘बी’ डिभिजनबाट बढुवा भएर आएका चार टीमलाई पुनः चार समूहमा विभाजन गरी लिग खेलाइने छ । लिगमा टप हुने चार टिमबीच सुपर फोरमा प्रतिस्पर्धा गर्नेछन् भने पुछारमा रहेको टीम अर्को वर्ष ‘बी’ डिभीजनमा घटुवा हुने छन्,’ सचिव गुरुङले भने ।

प्रतियोगिताको विजेताले ८० हजार, उपविजेताले ४० हजार नगदसहित ट्रफी, मेडल र प्रमाणपत्र प्राप्त गर्नेछन् । यस्तै, म्यान अफ द सिरिजलाई १५ हजार, बेस्ट ब्याट्सम्यान, बेस्ट बलर र उदीयमान खेलाडीलाई जनही पाँच÷पाँच हजार रुपैयाँ प्रदान गरिने संघका कार्यवाहक अध्यक्ष धिरज क्षेत्रीले बताए ।





थप समाचार

वर्षाले निर्णायक खेल रद्द हुँदा नेपाल अभागी, अफगानिस्तान विश्वकपमा

आइसिसी यु–१९ विश्वकप एसिया छनोटअन्तर्गत नेपाल र अफगानिस्तानबिचचको खेल वर्षाका कारण रद्द भएपछि अफगानिस्तान विश्वकपमा छनोट भएको छ । मुलपानीस्थित […]

न्युजिल्यान्डमा क्यान्टरबरी नेप्लिज प्रिमियर लिग हुँदै

क्यान्टरबरी नेप्लिज प्रिमियर लिग (CNPL) को पहिलो संस्करण अप्रिल १९ र २० गते न्युजिल्यान्डको स्प्रेडन डोमेन, क्राइस्टचर्च मा आयोजना हुँदैछ। नेपाली […]

नेपालको लगातार तेस्रो जित, हङकङलाई ९ विकेटले हरायो

आइसिसी यू-१९ विश्वकपअन्तर्गत एसिया छनोटमा नेपालले लगातार तेस्रो जित निकाल्दै विश्वकपको नजिक पुगेको छ। बुधबार तल्लो मुलपानी मैदानमा हङकङविरूद्ध ९ […]

धोनीको आक्रामक इनिङ्समा चेन्नई विजयी

काठमाडौं। ४३ वर्षीय महेन्द्रसिंह धोनीको आक्रामक इनिङ्ससँगै चेन्नई सुपर किंग्सले इन्डियन प्रिमियर लिग (आइपिएल) मा जितविहीन यात्रा टुंगाएको छ। सोमबार […]

युवराजको घातक बलिङमा नेपालकाे दोस्रो जित

काठमाडौं। युवराज खत्रीको घातक बलिङसँगै घरेलु टोली नेपालले आइसिसी यु–१९ विश्वकप एसिया छनोटमा लगातार दोस्रो जित हासिल गरेको छ। सोमबार […]

नेपालले पायाे ११८ रनको लक्ष्य

काठमाडौं । आईसीसी यु १९ विश्वकप एसिया छनोटअन्तर्गत दोस्रो खेलमा नेपालले ओमानबाट ११८ रनको लक्ष्य छ। माथिल्लो मुलपानी क्रिकेट मैदानमा […]