लिगान्स क्रिकेटद्वारा आयोजित अलिगान्स क्रिकेट लिग सेप्टेम्बर १५ देखि १९ सम्म हिमालयन क्रिकेट एकेडेमीमा हुने भएको छ।
यस प्रतियोगितामा १० ओभरको ढाँचामा १६ कलेजहरू प्रतिस्पर्धा गर्नेछन्। यस प्रतियोगिताको मुख्य उद्देश्य कलेज क्रिकेटलाई प्रवर्द्धन गर्दै युवा खेलाडीहरूलाई आफ्नो क्षमता प्रदर्शन गर्ने प्लेटफर्म उपलब्ध गराउनु हो, जसले खेलको स्तरलाई माथि उठाउन मद्दत पुर्याउँछ।
प्रतियोगितामा सहभागी हुने टिमहरूमा एलआरआई, ब्लूबर्ड कलेज, जनमैत्री कलेज, सिसीआरसी, उल्लेन्स स्कुल, गोल्डेनगेट, दिव्य कलेज, निस्ट कलेज, जनप्रेमी कलेज, ग्लेशियर कलेज, कौस्तव एकेडेमी, न्यू समिट कलेज, हिमालयन कलेज, शिक्षान्तर उच्च मावि, ग्यालेक्सी कलेज, र भिएस निकेतन कलेज रहेका छन्।
यी कलेजहरूले काठमाडौँभरिका विद्यार्थीहरूलाई एकै स्थानमा ल्याएर क्रिकेटप्रतिको उनीहरूको रुचि र क्षमतालाई प्रदर्शन गर्ने अवसर प्रदान गर्नेछन्। प्रतियोगिताको विजेतालाई ५०,००० रुपैयाँ पुरस्कार प्रदान गरिनेछ। व्यक्तिगत प्रदर्शनका लागि पुरस्कारहरूमा Player of the Series लाई १२,००० रुपैयाँ मूल्यको BAS Vampire Bat, ट्रफी, गिफ्ट ह्याम्पर र प्रमाणपत्र प्रदान गरिनेछ। Best Batsman लाई ग्लोभ्स र Best Bowler लाई जुत्ता, दुबैसँग ट्रफी र गिफ्ट ह्याम्पर दिइनेछ।
उत्कृष्ट प्रदर्शन गर्ने खेलाडीहरूको पहिचानका लागि प्रदर्शन अभियान पनि सञ्चालन गरिनेछ। प्रतियोगिताका सबै खेलहरू हिमालयन क्रिकेट एकेडेमीको इनडोर सुविधामा आयोजना हुनेछ। यस प्रतियोगिताको मुख्य प्रायोजक KIEC रहेको छ भने Pangolin Travels Pvt. Ltd. र MeroUddan.com ले पनि सहयोग गरेका छन्। ALIGANS COLLEGE LEAGUE ले आगामी दिनमा कलेज क्रिकेटलाई थप मजबुत बनाउन र युवा प्रतिभालाई निखार्न महत्वपूर्ण भूमिका खेल्नेछ।
