क्यानडामा जारि ग्लोबल टि-२० क्यानडा अन्तर्गत दोश्रो क्वालीफायर खेलमा सोमपाल कामि रहेको टिम विन्नीपेग हक्सले ब्राम्पटन वुल्भ्ससंग प्रतिस्पर्धा गर्दैछ।
खेल शनिवार राति नेपाली समय ११ :४५ बजे सुरु हुनेछ। स्टारस्पोर्ट्सले नेपालमा खेलको प्रत्यक्ष प्रशारण गरिरहेको छ।
आजको खेल जित्ने टिमले फाइनलमा भानकुभर नाइट्स संगको भेट पक्का गर्नेछ। भानकुभरले पहिलो क्वालीफायरमा ब्राम्पटनलाई ७७ रनले ( डीएल मेथड ) पराजित गरेको थियो। फाइनल खेल आइतबार राति ११:४५ बजे ओन्टारियोमा खेलिनेछ।
विन्नीपेग हक्सले बिहिबार भएको इलिमीनेटर खेलमा सन्दिप लामिछानेको टिम टोरोन्टो नेसनललाई २ रनले पराजित गर्दै दोश्रो क्वालीफायर खेल्न छनौट भएको थियो। खराब प्रकासको कारण दुर्भाग्यपूर्ण तरिकाले युभराज सिंह कप्तानीको टोरोन्टो डी/एल मेथडमा पराजित भएको थियो।
प्रतियोगिताको दोश्रो चरण सकिंदा अंकतालिकामा चौथो स्थानमा रहँदै विन्नीपेग प्ले-अफको लागि छनौट भएको थियो। त्यस क्रममा उसले ६ खेलमा २ जित, ३ हार र १ नतिजाविहिन अंक जोडेको थियो।
सोमपालले पाउलान् मौका ?
विन्नीपेगमा रहेका नेपाली अल-राउण्डर सोमपाल कामिले लिग चरणमा एडमोन्टन रोयल्स बिरुद्ध एउटा खेलमा मात्र मौका पाएका थिए। उक्त खेलमा ब्याटिंगमा अविजित १ रन बनाएका सोमपालले बलिंगमा २ ओभरमा ३३ रन खर्चेर विकेटविहिन भएका थिए।
टोरोन्टो बिरुद्ध इलिमीनेटरमा सोमपालले मौका पाएका थिएनन्। उनको स्थानमा भरुन शहदेभलाई मौका दिईएक थियो जो तल्लो क्रममा ब्याटिंग र अफस्पिन बलिंग गर्ने गर्छन। शहदेवले पनि ३ खेलमा मौका पाउदा कमजोर प्रदर्शन गरिरहेका छन्। शहदेवको सट्टा सोमपालले खेल्ने एकमात्र सम्भावना हो।
टिमका कप्तान रायड इमरिट आफै तिब्र गति बलर हुन् भने मोहम्मद इरफान र कलिम साना पनि तिब्र गति बलर हुँदा सोमपालले मौका पाउन मुस्किल भएको हो। इमरिट, जेपी डुमि र शैमन अनवर जस्ता ब्याट्सम्यानहरुले पनि बलिङ्ग गर्ने हुँदा सोमपालको सम्भावना न्यून रहेको हो।
टिम
Winnipeg Hawks (From): Chris Lynn, Shaiman Anwar, Umar Akmal, Jean-Paul Duminy, Sunny Sohal, Hamza Tariq(w), Rayad Emrit(c), Varun Sehdev, Mohammad Irfan, Kaleem Sana, Umair Ghani, Dwayne Smith, Paul van Meekeren, Sompal Kami, Romesh Eranga
Brampton Wolves (From): Lendl Simmons(w), George Munsey, Colin Munro(c), Nitish Kumar, Babar Hayat, Shahid Afridi, Abraash Khan, Wahab Riaz, Ish Sodhi, Junaid Siddiqui, Cecil Pervez, Daren Sammy, Andre Fletcher, Armaan Kapoor, Faisal Jamkhandi, Nawab Singh
