पपुवा न्यू गिनी बिरुद्दको जितका ३ नायक

Sandeep Lamichhane
  • विकेटनेपाल – १ चैत्र, बिहिवार

जिम्बाबेमा जारि एक दिवसीय विश्वकप छनौटको प्ले अफ अन्तर्गत नेपालले पपुवा न्यू गिनीलाई ६ विकेटले पराजित गर्दै एक दिवसीय मान्यता प्राप्त राष्ट्र हुने गन्तव्यको नजिक पुगेको छ। हरारेमा टस जित्दै पहिले बलिंग गर्ने निर्णय लिएको नेपाली टोलिले सन्दिप लामिछाने र दिपेन्द्र सिंह ऐरीको उच्च प्रदर्शनको सहयोगमा पपुवा न्यू गिनीलाई ११४ रनमा समेटेको थियो। नेपालको बलिंगमा सन्दिप र दिपेन्द्रले समान ४-४ विकेट लिएका थिए। यस्तै करन केसी र सोमपाल कामीले समान १-१ विकेट लिए। पपुवा न्यू गिनीको इनिंगमा चार्ल्स अमिनीले १९ र जेसन किलाले १५ रन जोडेका थिए। जवाफमा ब्याटिंग गरेको नेपालले मात्र २३ ओभरमा ४ विकेट गुमाएर लक्ष्य भेट्टायो। नेपालको जितमा दिपेन्द्र सिंह ऐरीले अविजित अर्धशतक बनाए।

पपुवा न्यू गिनीसंगको जितमा नायक बनेका ३ खेलाडी :

दिपेन्द्र ऐरी

युवा खेलाडी दिपेन्द्र सिंह ऐरीको म्यान अफ दि म्याच प्रदर्शनकोबलमा नेपालले पपुवा न्यू गिनीलाई ६ विकेटले हराउन सफल भयो। टस जित्दै पहिले बलिंग रोजेको नेपालको बलिंगमा नायक साबित भएका दिपेन्द्रले किफायती बलिंग गर्दै पपुवा न्यू गिनीलाई ४ झट्का दिए। दिपेन्द्रले आफ्नो ४.२ ओभरको छोटो स्पेलमा मात्र १४ रन खर्चेर ४ विकेट हात पारे।

Dipendra Airee
Dipendra Airee

बलिंग तर्फको आत्मविश्वासलाई कायम राख्दै ब्याटिंगमा समेत दिपेन्द्रले उत्कृस्ट प्रदर्शन गरे। पपुवा न्यु गिनीको ११५ रन लक्ष्य पछ्याउने क्रममा नेपाली ब्याट्सम्यानहरुले लगातार सुरुवाती विकेट गुमाउन पुग्यो। ३५ रन बनाउदा ओपनरद्वय ज्ञानेन्द्र मल्ल र अनिल साह आउट भए भने कप्तान पारस खड्का पनि पेभेलियन फर्किंदा नेपाल खराब अवस्थामा पुग्यो।

तर त्यसपछि दिपेन्द्र ऐरीले अविजित अर्धशतक बनाउदै नेपालको जित सुनिस्चित गरे। २३ औं ओभरको अन्तिम बलमा छक्का प्रहार गर्दै अर्धशतक पुरा गरेका ऐरीले ५८ बलमा ३ छक्का र १ चौका प्रहार गरे। यस क्रममा उनले आरिफ शेखसंग चौथो विकेटको लागि ६९ रनको महत्वपूर्ण साझेदारी गरे।

सन्दिप लामिछाने 

स्टार लेग स्पिनर सन्दिप लामिछानेले फेरी एकपटक उत्कृस्ट प्रदर्शन गरे। आफ्नो लेग स्पिन र गूग्लीमा पपुवा न्यू गिनीका ब्याट्सम्यानहरुलाई फसाउने क्रममा सन्दिपले ४ विकेट चट्काए। आफ्नो ८ ओभरको स्पेलमा सन्दिपले २९ रन खर्चेर ४ विकेट लिए।

Sandeep Lamichhane

राष्ट्रिय टोलिबाट पपुवा न्यू गिनी बिरुद्द पहिलो पटक खेल्ने क्रममा सन्दिपको बलिंग उच्च कोटीको रह्यो। खेलमा कुनैपनि समय बिपक्षि ब्याट्सम्यानलाई पकड बनाउने मौका सन्दिपले दिएनन्। आफ्नो ८ ओभरमा सन्दिपले ३१ डट बल गरेका थिए।

आरिफ शेख

११५ रनको सामन्य विजय लक्ष्यको पिछा गर्ने क्रममा नेपाली टोलिले सुरुवात खाराब गर्यो। ३५ रन जोड्न ३ विकेट गुमाएको नेपाली ब्याटिंगलाई सम्हाल्न आरिफ शेखले दिपेन्द्र सिंह ऐरीसंग उत्कृस्ट साझेदारी गरे। ५ नम्बरमा ब्याटिंग गर्न आएका शेखले दिपेन्द्रसंग ६७ रनको साझेदारी गर्ने क्रममा व्यक्तिगत २६ रन जोडे। ४२ बलमा शेखले मात्र १ चौका प्रहार गरे पनि दिपेन्द्रसंगको साझेदारीमा स्ट्राइक रोटेट गर्न चुकेनन्। आरिफले दिपेन्द्रसंग गरेको साझेदारीको कारण नेपालले सहजै लक्ष्य पछ्याउन सक्यो।

Aarif Sheikh
Aarif Sheikh

यी खेलाडी बाहेकपनि नेपालको जितमा करन केसी र सोमपाल कामीको सुरुवाती १-१ विकेट महत्वपूर्ण रह्यो। यस्तै पारस खड्काको २० रन तथा खेलमा उनको कप्तानी समेत उत्कृस्ट रह्यो।





थप समाचार

नेपाल क्रिकेट संघको बैठक बस्दै, सन्दीपको निलम्बन फुकुवाबारे छलफल हुने

काठमाडौँ । नेपाल क्रिकेट संघ (क्यान) को कार्यसमिति बैठक आज बस्दै छ । पोखरामा बस्ने बैठकमा नेपाल टी-२० लिग विवादमा […]

सन्दीपको निलम्बन फिर्ता गर्ने क्यानको तयारी

नेपाल क्रिकेट सङ्घ (क्यान)ले क्रिकेटर सन्दीप लामिछानेको निलम्बन फिर्ता गर्ने तयारी गरेको छ । मङ्गलवार पोखरामा बस्ने क्यानको कार्यसमिति (बोर्ड) […]

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]