यी हुन् डिभिजन-२ मा उत्कृस्ट प्रदर्शन गरेका ३ नेपाली खेलाडी

  • विकेटनेपाल – २४ माघ, बुधवार

आईसीसी विश्व क्रिकेट लिग डिभिजन २ को पहिलो खेलमा नेपालले बिहिबार नामिबिया बिरुद्ध पहिलो खेल खेल्दैछ। विश्व क्रिकेट लिग च्याम्पियनशिप ( २०१५-१७ ) बाट डिभिजन-२ मा घटुवा भएको नेपालका लागि यो प्रतियोगिता निकैनै महत्वपूर्ण छ।

सन् २०१५ मा नामिबियामानै भएको डिभिजन-२ मा सहभागी नेपालको लागि यो प्रतियोगिता नौलो भने होइन। अघिल्लो संस्करणमा नेपालले चौथो स्थानमा प्रतियोगिताको अन्त्य गरेको थियो र उत्कृस्ट-२ हुने लक्ष्य पुरा गर्न सकेको थिएन। आशा अनुरुप प्रदर्शन गर्न नसके पनि प्रतियोगितामा केहि खेलाडीले भने निकै उत्कृस्ट प्रदर्शन गरेका थिए।

यी हुन् ति ३ नेपाली खेलाडी जसले सन् २०१५ मा सम्पन्न डिभिजन-२ मा उत्कृस्ट प्रदर्शन गरेका थिए :

Paras Khadka
Paras Khadka

पारस खड्का :  कप्तान पारस खड्कालाई नेपाली टोलिको खम्बाको उपनाम दिंदा अतियुक्ति नहोला। आफ्नो क्षमता स्वरूप अल-राउण्ड प्रदर्शन गर्दै पारस प्रतियोगिताकै उत्कृस्ट खेलाडी घोसित भएका थिए। लिग चरणमा खेलेका ५ खेल र तेस्रो स्थानका लागि भएको खेल गरि पारसले कुल १८५ रन बनाएका थिए। यस्तै बलिंगतर्फ पनि पारसले ६ विकेट आफ्नो नाम गरेका थिए। उनले क्यानडासंग ७७ रन तथा नामिबियासंग ६४ रनको इनिंग खेल्दै नेपालको जितमा महत्वपूर्ण योगदान दिएका थिए भने बलिंगमा पनि युगान्डासंग ३ तथा नेदरल्याण्डसंग २ विकेट लिएका थिए।

Gyanendra Malla
Gyanendra Malla

ज्ञानेन्द्र मल्ल : नेपाली टोलिका कलात्मक ब्याट्सम्यान ज्ञानेन्द्र मल्लको प्रदर्शन पनि सम्झन लायक रहेको थियो। भरपर्दा ब्याट्सम्यान बनेका मल्लले प्रतियोगितामा सर्वाधिक रन बनाउनेको सुचिमा तेस्रो नम्बरमा आफ्नो नाम लेखाएका थिए। कुल ६ इनिंगमा मल्लले ५९ को औसतमा २३६ रन जोडेका थिए। केन्या बिरुद्धको खेलमा अविजित ९१ रन बनाएका मल्लको प्रदर्शनले नेपालको भविष्य यसपटक पनि निर्धारण गर्नेछ।

सोमपाल कामी : “गुल्मी एक्सप्रेस” सोमपाल कामीको प्रदर्शन पनि सन् प्रतियोगितामा उत्कृस्ट रहेको थियो। सोमपाल प्रतियोगितामा सर्वाधिक विकेट लिनेको सुचिमा पाँचौ स्थानमा रहेका थिए। उनले खेलेको ६ खेलमा सोमपालले १९.१८ को औसतमा ११ विकेट चट्काएका थिए। तेस्रो स्थानका लागि भएको खेलमा सोमपालले केन्या बिरुद्ध ४१ रन खर्चेर ३ विकेट हात पारेका थिए। यसपटकको नेपाली टोलिमा प्रमुख बलर रहेका सोमपालले गर्ने प्रदर्शनमा नेपालको प्रदर्शनपनि निर्भर रहनेछ।

धेरैले पढेको :-

डिभिजन-२ बिशेष | ‘आमने-सामने’ – नेपाल बिरुद्ध नामिबिया





थप समाचार

नेपाल क्रिकेट संघको बैठक बस्दै, सन्दीपको निलम्बन फुकुवाबारे छलफल हुने

काठमाडौँ । नेपाल क्रिकेट संघ (क्यान) को कार्यसमिति बैठक आज बस्दै छ । पोखरामा बस्ने बैठकमा नेपाल टी-२० लिग विवादमा […]

सन्दीपको निलम्बन फिर्ता गर्ने क्यानको तयारी

नेपाल क्रिकेट सङ्घ (क्यान)ले क्रिकेटर सन्दीप लामिछानेको निलम्बन फिर्ता गर्ने तयारी गरेको छ । मङ्गलवार पोखरामा बस्ने क्यानको कार्यसमिति (बोर्ड) […]

क्यानका अध्यक्ष चन्दसहित ५ जना पदाधिकारीको राजीनामा माग

नेपाल क्रिकेट सङ्घ क्यानका ७ जना केन्द्रिय सदस्यले अध्यक्ष चतुरबहादुर चन्दसहित कार्य सम्पादन समितिमा रहेका ५ जना पदाधिकारीको राजीनामा माग […]

मिथिला कप : विकासले ५ विकट लिंदा छिन्नमस्ता विजयी

सप्तरीको राजविराज जारी चौंथो संस्करणको मिथिला कप टि-ट्वान्टी क्रिकेट प्रतियोगिता अन्तर्गत दोश्रो दिन सम्पन्न खेलमा छिन्नमस्ता स्पोर्ट्स एकेडेमी सप्तरीले १ […]

सन्दीपविनै प्रारम्भिक टोली

नेपाल क्रिकेट सङ्घ (क्यान्) ले घरेलु मैदान कीर्तिपुरमा हुने आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजका लागि २८ सदस्यीय प्रारम्भिक […]

भारतीय कम्पनीसँगको सम्झौता त्रुटिपूर्ण : क्यान

नेपाल क्रिकेट सङ्घ (क्यान) ले नेपाल टी–२० लिग क्रिकेट गर्न भारतीय कम्पनी सेभेन थ्रीस्पोर्ट्सँग सम्झौता गरिनु त्रुटिपूर्ण भएको जनाएको छ […]