काठमाडौं । अभानी प्रिमियर लिग २०२४ क्रिकेट प्रतियोगितामा अभानी क्रिकेट क्लबले लगातार दोस्रो जित निकालेको छ ।
लगातार दोस्रो जित निकाल्नेक्रममा अभानीले वारियर्स क्रिकेट क्लबलाई ३ विकेटले पराजित गरेको छ ।
अस्ट्रेलियाको सिड्नीमा भएको खेलमा पहिले ब्याटिङ गरेको वारियर्सले निर्धारित १२ ओभरमा ४ विकेट गुमाएर १ सय ८ रन बनाएको थियो ।
वारियर्सका लागि मदन लामाले २१ बलमा ३७ तथा सुवास शाहले १८ बलमा २९ रन बनाए । नविन बस्नेतले १८ तथा कप्तान दिपेन्द्र थापाले ११ रन बनाए ।
अभानीका लागि सन्तोष घिमिरेले २ तथा ललित कुँवर र विज्ञान पलले समान १ विकेट लिए ।
वारियर्सले दिएको १ सय ९ रनको लक्ष्य अभानीले निर्धारित १२ ओभरमा २ बल बाँकी रहँदै ७ विकेट गुमाएर पूरा गर्यो ।
अभानीका लागि रमन जैसले ३३ बलमा ६३ रनको अर्धशतकीय ईनिङ खेले । सन्तोष घिमिरेले ९ तथा योगेन्द्र कार्कीले ६ रन बनाए ।
वारियर्सका लागि विनित श्रेष्ठले ३ तथा सुवास शाहले २ विकेट लिए । दोस्रो जितसँगै अभानी अंकतालिकाको शीर्ष स्थानमा छ । पहिलो खेलमा नै पराजित वारियर्स पुछारबाट दोस्रो स्थानमा छ ।
दोस्रो खेलमा लालिगुरास क्रिकेट क्लबले सगरमाथा क्रिकेट क्लबलाई ३ विकेटले पराजित गरेको छ ।
पहिले ब्याटिङ गरेको सगरमाथाले १८ दशमलब ३ ओभरमा १ सय ७ रन बनाउँदै अल आउट भयो ।
सगरमाथाका लागि कप्तान अर्जुन श्रेष्ठले ३३ बलमा २९ तथा कप्तान विष्णु कटुवालले ९ बलमा २० रन बनाए ।
लालिगुरासका लागि सन्दीप ढकाल, सन्तोष श्रेष्ठ र आविष्कार सुनारले समान २२ विकेट लिए ।
१ सय ८ रनको लक्ष्य लालिगुरासले १९ ओभरमा ७ विकेट गुमाएर पूरा गर्यो ।
लालिगुरासका लागि क्षितिज सिंहले ४४ बलमा ३८ तथा सन्दीप ढकालले २२ बलमा २७ रन बनाए ।
सगरमाथाका लागि माधव प्रसाई, अर्जुन श्रेष्ठ र ओम शाहले समान २ विकेट लिए । पहिलो खेलमा जित सहित लालिगुरास अंक तालिकाको दोस्रो स्थानमा छ । पराजित सगरमाथा अंक तालिकाको छैटौं स्थानमा छ ।
हप्ताको अन्तिम दिन हुने प्रतियोगितामा ८ टोलीको सहभागीता रहेको छ ।