इंग्ल्यान्डको भारत भ्रमण अन्तर्गत चौथो तथा अन्तिम टेस्ट नरेन्द्र मोदी स्टेडियम अहमदावादमा सुरु भएको छ। सिरिजमा भारत २-१ ले अघि रहेको छ।
खेलमा टस जितेर ब्याटिंग रोजेको भ्रमण टोलिले ७५.५ ओभरमा २०५ रनमै सम्पूर्ण विकेट गुमाउन पुगेको छ।
खराब सुरुवात गरेको इंग्ल्यान्डले सुरुवात ३ विकेट ३० रनको योगफलमै गुमाउन उग्यो। २ रन बनाएका ओपनर डोमिनिक सिबले र ९ रन बनाएका ज्याक क्रलेलाई अक्षर पटेलले पेभेलियन फर्काए। त्यसपछि कप्तान जो रुटलाई मोहम्मद सिराजले एलबिडब्लु धरापमा पारे जसले ५ रन मात्र बनाउन सके।
चौथो विकेटको लागि जोनी बेयरस्टोले बेन स्टोक्ससंग ४८ रनको साझेदारी गरे। बेयरस्टोलाई सिराजले एलबिडब्लु आउट गरे। त्यसपछि स्टोक्सले ओली पोपसंग ४३ रन जोडे। १२१ बलमा ६ चौका र २ छक्का प्रहार गर्दै ५५ रन बनाएका स्टोक्सलाई वासिंगटन सुन्दरले एलबिडब्लु गर्दै साझेदारी तोडे। ८७ बलमा २९ रन बनाएका पोपलाई रभीचन्द्रन आश्विनले पेभेलियन फर्काए।
Fifty up for Ben Stokes – his 24th in Tests 👏
Will he convert it into a century today?#INDvENG | https://t.co/6OuUwURcgX pic.twitter.com/R20tc5MUTa
— ICC (@ICC) March 4, 2021
आठौँ नम्बरमा ब्याटिंग गरेका ड्यानीयल लरेन्सले ४६ रन बनाउदै टिमको योगफल २ सय नजिक पुर्याउन योगदान दिए। उनले ७४ बलमा ८ चौका प्रहार गरे। अक्षर पटेलले ७१ औं ओभरमा लरेन्स र डम बेसको विकेट लिंदै भारतलाई खेलमा फर्काए। जेम्स एण्डरसनले अविजित १० रन बनाउदै योगफललाई २ सय पार गराए।
भारतको बलिंगमा उत्कृस्ट लयमा रहेका देब्रे हाते स्पिनर अक्षर पटेलले सर्वाधिक ४ विकेट लिए जुन क्रममा २६ ओभर बलिंग गर्दै ७ मेडन ओभर गरेर ६८ रन खर्चिए। रभीचन्द्रन आश्विनले ३ ( १९.५-४-४७-३ ) , मोहम्मद सिराजले २ ( १४-२-४५-२ ) र वासिंगटन सुन्दरले १ विकेट ( ७-१-१४-१ ) लिए। इशान्त शर्मा विकेटविहिन रहे।
बिहिबारनै भारतले आफ्नो इनिंग्स सुरुवात गरिसकेको छ। भारतले पहिलो ओभरमा ओपनर शुबमन गिललाई खाता नखोल्दै गुमाउन पुगेको छ। यो समाचार तयार गर्दा भारतले ५ ओभरमा १ विकेट गुमाउदा ४ रन बनाएको छ। क्रिजमा रोहित शर्मा र चेतेश्वर पुजारा ब्याटिंग गरिरहेका छन्। जेम्स एण्डरसनले ३ ओभरमा कुनै रन नखर्ची १ विकेट लिएका छन्।
धेरैले पढेको
https://wicketnepal.com/psl-sthagit-sandip-farkane-wn21/
https://wicketnepal.com/polard-6-ball-6-t20-i-wn21/
https://wicketnepal.com/mayor-cup-ktm-11-team-ann-wn21/