Nepal T20 : छैठौं जित पछि लुम्बिनी प्लेअफमा

लुम्बिनी अल स्टार नेपाल टी–२० क्रिकेट लिगको प्लेअफमा प्रवेश निश्चित गरेको छ ।

टियु मैदान कीर्तिपुरमा आइतबार भएको खेलमा लुम्बिनीले विराटनगर सुपर किंग्सलाई १२ रनले हरायो । लुम्बिनीले दिएको एक सय २३ रनको विजयी लक्ष्य पछ्याएको विराटनगर १९.३ ओभरमा सबै विकेटको क्षतिमा एक सय १० रनमा समेटिएको थियो । स्कोरकार्ड

विराटनगरका लागि अर्जुन साउदले सर्वाधिक ४१ रन बनाए । गौरान्शु शर्माले १२ र पृथु बास्कोटाले ११ रन बनाए । बलिङमा लुम्बिनीका श्याड्ली भान, तिलक भण्डारी र ह्यारी टेक्टरले दुई दुई विकेट लिए । किशोर महतो, कप्तान दीपेन्द्र सिंह ऐरी र हरमित सिंहले एक एक विकेट लिए।

यसअघि पहिले ब्याटिङ गरेको लुम्बिनीले २० ओभरमा नौ विकेटको क्षतिमा एक सय २२ रन बनाएको थियो ।

लुम्बिनीका लागि कप्तान दीपेन्द्र सिंह ऐरीले सर्वाधिक ५० रन बनाए । अविजित रहंदा ऐरीले ४२ बलमा ६ चौका प्रहार गरे।  कुशल भुर्तेल, ह्यारी टेक्टर र अनिल शाह १३/१३ रन बनाए ।

बलिङमा विराटनगरका लागि विवेक यादव, सुर्य तामाङ र नन्दन यादवले दुई दुई विकेट लिए । कियोन जोसेफ र राज नाननले एक एक विकेट लिए ।

लिगमा सात खेल सकेको लुम्बिनी ६ जित निकाल्दै १० अङ्क सहित शीर्षस्थानमा छ ।

६ खेलबाट चार अङ्क बनाएको विराटनगर पाँचौँ स्थानमा छ । पुस २७ गतेसम्म चल्ने प्रतियोगितामा ६ वटा फ्रेन्चाईज टोलीको सहभागिता रहेको छ । लिगको विजेताले ५५ लाख र उपविजेताले ३० लाख रुपियाँ पुरस्कार पाउनेछन् ।





थप समाचार

चेन्नईमाथि लखनाउको जित

काठमाडौं । चेन्नई सुपर किंग्समाथि १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउ सुपर जायन्ट्सले जित निकालेको छ […]

जडेजाको अर्धशतकमा लखनाउलाई १७७ रनको लक्ष्य

काठमाडौं । अलराउन्डर रविन्द्र जडेजाको अर्धशतकको सहयोगमा चेन्नई सुपर किंग्सले १७ औं संस्करणको इन्डियन प्रिमियर लिग(आइपीएल)को ३४ औं खेलमा लखनाउलाई […]

कोशीमाथि बागमतीको रोमान्चक जित

काठमाडौं । काठमाडौं जारी वीर गणेशमान सिंह राष्ट्रिय टी-२० च्याम्पियनशिप अन्तर्गत चौथो दिनको पहिलो खेलमा बागमती प्रदेशले रोमाञ्चक जित दर्ता […]

युएईसंग पराजित हुँदा नेपाल एसिया कप छनोट हुन असफल

काठमाडौं । नेपाललाई स्तब्ध पार्दै ओमानमा जारी दोस्रो संस्करणको एसीसी मेन्स प्रिमियर कपको युएई सेमिफाइनल प्रवेश गरेको छ । यो […]

सन्दीपको अर्धशतकमा युएईलाई १२० रनको लक्ष्य

काठमाडौं । ओमानमा जारी दोस्रो संस्करणको एसीसी मेन्स प्रिमियर कपको पहिलो सेमिफाइनल खेलमा नेपालले सन्दीप जोराको अर्धशतकको सहयोगमा युएईलाई १ […]

नेपालले टस हार्यो, सोमपाल टिममा फर्किए

काठमाडौं । एसीसी मेन्स प्रिमियर कप २०२४ को पहिलो सेमिफाइनल खेलमा युएईविरुद्ध नेपालले टस हारेको छ । युएईका कप्तान मुहम्मद […]