९ वर्षमा पहिलो पटक आईसीसी इभेन्टको सेमीफाइनल पुग्न असफल

टि-२० विश्वकप अन्तर्गत आइतबार सम्पन्न खेलमा न्युजिल्यान्डले अफगानिस्तानलाई ८ विकेटले पराजित गरेसंगै सेमीफाइनल पुग्ने ४ वटै टिमको टुंगो लाग्यो। समुह ‘१’ बाट इंग्ल्यान्ड र अस्ट्रेलिया तथा समुह ‘२’ बाट न्युजिल्यान्ड र पाकिस्तान सेमीफाइनल पुग्यो। भारत सोमबार नामिबियासंग खेल्न बाँकी रहँदै प्रतियोगिताबाट बाहिर भयो।

पछिल्लो पटक सन् २०१२ मा श्रीलंकामा आयोजित टि-२० विश्वकपमा भारत सेमीफाइनल पुग्न असफल भएको थियो। उक्त विश्वकपको सुपर-८ चरणमा भारत ३ खेलमा २ जित र १ हार बेहोर्दै अंकतालिकाको तेश्रो स्थानमा रहेको थियो भने अस्ट्रेलिया र पाकिस्तान पहिलो र दोश्रो स्थानमा रहेको सेमीफाइनल पुगेको थियो। समान ४ अंक रहेता पनि अस्ट्रेलिया र पाकिस्तान नेट रन रेटमा अघि रहेका थिए।  भारत अस्ट्रेलियासंग ९ विकेटले पराजित भएको थियो भने पाकिस्तान र दक्षिण अफ्रीकालाई पराजित गरेको थियो।

सन् २०१२ पछि भारत आईसीसीको ८ वटा प्रतियोगिताको कम्तिमा सेमीफाइनल पुगेको थियो। २०१३ को च्याम्पियन्स ट्रफी जितेको भारतले त्यसपछि २०१४ टि-२० विश्वकपको उपविजेता रहेको थियो। यस्तै २०१५ एकदिवसीय विश्वकपको सेमीफाइनल, २०१६ टि-२० विश्वकपको सेमीफाइनल, २०१७ च्याम्पियन ट्रफीको उपविजेता, २०१९ एकदिवसीय विश्वकपको उपविजेता तथा २०२१ आईसीसी टेस्ट च्याम्पियनसिपको उपविजेता रह्यो।

जारि विश्वकपमा बिराट कोहली कप्तानीको भारत पहिलो खेलमा पाकिस्तानसंग १० विकटले तथा न्युजिल्यान्डसंग ८ विकेटले पराजित भएको थियो। अफगानिस्तानलाई ६६ रनले तथा स्कटल्याण्डलाई ८ विकेटले पराजित गरेको अन्तिम खेल नामिबियासंग सोमबार ( नोभेम्बर ८ ) तारिखमा खेल्नेछ।





थप समाचार

पाकिस्तानलाई हराउँदै श्रीलंका फाइनलमा

काठमाडौं । श्रीलंकामा जारी एसिया कपको शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो। […]

टिएनपीएल सेप्टेम्बरमा हुने

काठमाडौं । तास्मानियन नेप्लीज क्रिकेट एसोसिएसनको आयोजनामा आगामी सेप्टेम्बरमा तास्मानियन नेप्लिज प्रिमियर लिग (टिएनपीएल) आयोजना हुने भएको छ । आयोजना […]

बंगलादेशलाई हराउँदै भारत नवौं पटक फाइनलमा

काठमाडौं । बंगलादेशलाई पराजित गरि भारत नवौं पटक एसीसी महिला एसिया कपको फाइनलमा प्रवेश गरेको छ । शुक्रबार भएको पहिलो […]

नेदरल्यान्ड्समा भ्रमणका लागि क्यानडाको टोली घोषणा

काठमाडौं । नेदरल्यान्ड्समा हुने  घरेलु टोली, अमेरिका तथा क्यानडा सहभागी रहने विश्वकप लिग टू सिरिज तथा त्रिदेशीय टी-२० सिरिजका लागि […]

महिला एसिया कप : सेमिफाइनल खेलहरु आज

काठमाडौं । श्रीलंकामा जारी रहेको नवौं संस्करणको एसीसी महिला एसिया कपको सेमिफाइनल खेलहरु आज (शुक्रबार) हुदैछ । पहिलो सेमिफाइनलमा भारत […]

तुषाराले भारतसँगको सिरिज गुमाउने

काठमाडौं । श्रीलंकाका तीव्र गतिका बलर नुवान तुषारा भारतविरुद्धको टी–२० सिरिजबाट बाहिरिएका छन् । तुषरालाई बुधबार राति अभ्यासका चोट लागेको […]