- विकेटनेपाल, चैत-१०
इन्डियन प्रिमियर लिग अन्तर्गत आइतबार सम्पन्न पहिलो खेलमा कोलकाता नाईट राइडर्सले सनराइजर्स हैदरावादलाई ६ विकेटले पराजित गर्दै पहिलो जित दर्ता गर्यो।
रोमान्चक रहेको खेलमा पहिले ब्याटिंग गर्दै हैदरावादले २० ओभरमा ३ विकेट गुमाएर १८१ रनको योगफल तयार गरेको थियो।
कोलकाताको लागि ओपनर डेभिड वार्नरले आक्रामक इनिंग खेल्दै ८५ रन बनाएका थिए जुन क्रममा ५३ बलमा ३ छक्का र ९ चौका प्रहार गरे। यस्तै विजय शंकरले अविजित ४० रन बनाउन २४ बलमा २/२ चौका र छक्का प्रहार गरे भने अर्का ओपनर जोनी बेयरस्टोले ३९ रन बनाएका थिए। पहिलो विकेटको लागि वार्नर र बेयरस्टोले ११८ रन जोडेका थिए।
What a comeback @davidwarner31 ??#VIVOIPL #KKRvSRH pic.twitter.com/hPQ1I5QX3f
— IndianPremierLeague (@IPL) March 24, 2019
कोलकाताको लागि आन्द्रे रसेलले सर्वाधिक २ विकेट लिए जुन क्रममा ३ ओभरमा ३२ रन खर्चिए। पियुष चावलाले १ विकेट ( ३-०-२३-१ ) लिए।
रसेलको विस्फोटक इनिंग
१८२ रनको लक्ष्य पछ्याउने क्रममा कोलकाताले ओपनर क्रिस लिन ( ७ रन ) लाई छिट्टै गुमाउन पुग्यो। दोश्रो विकेटको लागि रोबिन उथप्पा र ओपनर नितिश रानाले ८० रनको साझेदारी गरे।
उथप्पा ३५ रन बनाएर आउट भएपछि कप्तान दिनेश कार्तिक पनि २ रन मात्र बनाएर पेभेलियन फर्किए।
६८ रन बनाएका नितिश राशिद खानको बलमा एलबिडब्लु आउट हुँदा कोलकाता १५.३ ओभरमा ११८/४ को अवस्थामा पुग्यो। नितिशले ४७ बलमा ८ चौका र ३ छक्का प्रहार गरे।
अन्तिम ४.३ ओभरमा कोलकातालाई जितको लागि ६८ रन बाँकी रहंदा आन्द्रे रसेल र सुभमन गिलले आक्रामक ब्याटिंग गर्दै टिमलाई जितसम्म पुर्याए।
अन्तिम २ ओभरमा जितको लागि ३४ रन बाँकी रहंदा भुवनेश्वर कुमारको ओभरमा रसेलले २ चौका र २ छक्का प्रहार गरे पछि अन्तिम ओभरमा जितको लागि कोलकातालाई १३ रन आवस्यक थियो।
शकिब अल हसनले गरेको अन्तिम ओभरको दोश्रो र चौथो बलमा सुभमन गिलले छक्का प्रहार गरे पछि २ बल अगावै कोलकाताले जित दर्ता गर्यो।
रसेलले अविजित ४९ रन बनाउन १९ बलमा ४ छक्का र ४ चौका प्रहार गरे भने गिलले १० बलमा २ छक्का मदतले १८ रन बनाए।
हैदरावाद बलर शकिब अल हसन, सन्दिप शर्मा, सिद्धार्थ कौल र राशिद खानले १/१ विकेट लिए।
