व्यक्तिगत कारण देखाउदै चेन्नाई सुपर किंग्सका प्रमुख ब्याट्सम्यान सुरेश रैनाले १३ औं सिजनको आईपीएलबाट नाम फिर्ता लिएका छन्। चेन्नाईको अधिकारिक ट्वीटर प्रोफाइलले यो कुराको पुस्टि गरेको छ।
“सुरेश रैना व्यक्तिगत कारणले भारत फर्किएका छन् र उनि पुरा सिजन आईपीएलको लागि उपलब्ध हुने छैनन्। चेन्नाई सुपर किंग्सले उनि र उनको परिवारलाई यो समयमा पुरा साथ दिनेछ।” चेन्नाईले ट्वीट गर्दै उनि भारत फर्किएको समेत जानकारी गराएको छ। उनि एक्कासी भारत फर्कनुपर्ने पारिवारिक कारण भने खुलाइएको छैन।
अन्तर्राष्ट्रिय क्रिकेटबाट भर्खरै सन्यास लिएका रैना सेप्टेम्बर १९ देखि युएईमा सुरु हुने लिगमा सहभागीता जनाउन अगस्ट २१ मा टिमसंगै पुगीसकेका थिए। त्यस अघि भारतमै भएको तयारीमा समेत रैना उपस्थित थिए।
Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
KS Viswanathan
CEO— Chennai Super Kings (@ChennaiIPL) August 29, 2020
आईपीएल इतिहासकै दोश्रो सर्वाधिक रनकर्ता हुन् रैना
महेन्द्र सिंह धोनीको टिम चेन्नाईका प्रमुख ब्याट्सम्यान रैना आईपीएल इतिहासकै दोश्रो सर्वाधिक रनकर्ता हुन्। उनले १९३ खेल खेल्ने क्रममा ५ हजार ३ सय ६८ रन बनाएका छन्। बिराट कोहली ( ५४१२ ) पछि लिगमा ५ हजार रन पुरा गर्ने रैना दोश्रो ब्याट्सम्यान हुन्।
रैना आईपीएल नखेल्ने भए पछि प्रतियोगिता अघि टिमलाई अर्को झट्का लागेको छ। शुक्रबार मात्रै टिमका एक जना तिब्र गति बलर सहित ९ जना अन्य स्टाफमा कोरोना संक्रमण देखिएपछि टिम थप केहि दिन क्वारेन्टाइनमा बस्नु पर्ने भएको थियो।
सम्बन्धित :-
https://wicketnepal.com/ipl-purple-cap-jitna-sakne-3-bowler/
https://wicketnepal.com/chennai-10-members-covid-19-positive-wn20/
https://wicketnepal.com/eng-v-pak-1st-t20i-mr-wn20/
https://wicketnepal.com/kevin-chakka-car-sisa-wn20/
https://wicketnepal.com/kohli-father-wn20-ann/
https://wicketnepal.com/bradman-11-records-unbreakable-wn20/