मनमोहन मेमोरियल राष्ट्रिय एकदिवसीय क्रिकेट प्रतियोगिता (एमएम कप) को तेस्रो संस्करणको प्रत्यक्ष प्रशारण एक्सन स्पोर्ट्सले गर्ने भएको छ।
यस वर्षको एमएम कप ३ को सम्पूर्ण डिजिटल राईटस र प्रत्यक्ष प्रसारणको जिम्मा एक्सन् स्पोर्ट्सलाई दिईएको छ । सोमबार एक कार्यक्रमका विच आयोजक एमएमकपका निर्देशक विप्लब घोष र एक्सन स्पोर्टस सञ्चालन गर्दै आएको ओर्जिनल ईन्टरटेन्मेन्ट (ओइपिएल) का अध्यक्ष दयाराम पाण्डेयले तीन वर्षका लागि प्रत्यक्ष प्रसारणको सम्झौता पत्रमा हस्ताक्षर गरेका छन् ।
वैशाखको तेश्रो साता आयोजना हुने प्रतियोगिता काठमाडौंको त्रिवी क्रिकेट मैदान किर्तिपुर र मूलपानीमा हुनेछ । तथापी प्रतियोगिताको खेलतालिका भने सार्वजनिक गरिएको छैन।
प्रतियोगिताको यसअघिका दुई संस्करण सुनसरीको इनरुवामा भएको थियो। प्रतियोगितामा सात प्रदेश र तीन विभागिय टिमको सहभागिता रहने आयोजकले जनाएको छ । गत वर्ष मलेसियाको राष्ट्रिय क्रिकेट टिमले समेत प्रतियोगितामा सहभागिता जनाएको थियो।
पछिल्लो समय एक्सन स्पोर्टस् टेलिभिजनले गौतम बुद्ध कप, स्टार क्रिकेट, प्रधानमन्त्री कप, मेयर्स कप लगायतको प्रतियोगिता प्रत्यक्ष प्रसारण गरिसकेको छ ।
धरैले पढेको
https://wicketnepal.com/rashtriy-crik-parishramik-paune-wn21/
https://wicketnepal.com/rashtriy-cric-lai-dav-le-training/
https://wicketnepal.com/lalitpur-mayor-womens-champ-chaitra-21/