युएईमा जारि पाकिस्तान सुपर लिग अन्तर्गत १९ औं खेलमा पेशावर जाल्मी र क्वेटा ग्ल्याडीएटर्स प्रतिस्पर्धा गरिरहेका छन्।
शेख जायद स्टेडियम अबुधाबीमा जारी खेलमा टस हारेर ब्याटिंग गरेको पेशावरले निर्धारित २० ओभरमा ५ विके गुमाएर १९७ रन बनाउदै १९८ रनको विशाल लक्ष्य प्रस्तुत गरेको छ।
पेशावरको सुरुवात खराब रह्यो। ओपनर हैदर अलि खाता नखोली तथा शोयब मालिक मात्र २ रन बनाएर मोहमम्द नवाजबाट आउट भए। १०/२ को अवस्थाबाट ओपनर कमरान अकमल र डेभिड मिलरले शतकीय साझेदारी गरे।
50 UP!
You can always expect a yellow storm when @DavidMillerSA12 is on the pitch!#MatchDikhao l #HBLPSL6 I #QGvPZ pic.twitter.com/DaurMOScZu— PakistanSuperLeague (@thePSLt20) June 12, 2021
१५ औं ओभरमा मोहम्मद हसनेनबाट एलबिडब्लु हुनु अघि अकमलले ३७ बलमा ६ चौका र २ छक्का मद्दतले ५९ रन बनाए। मिलर १७ औं ओभरमा कुर्रम शहजादबाट बोल्ड भए जस अघि उनले ४६ बलमा ६ चौका र ४ छक्का मद्दतले ७३ रन बनाए। मिलरले सामना गरेको पहिलो १९ बलमा मात्र ९ रन बनाएका थिए जसपछि गेर परिवर्तन गर्दै थप १७ बलमा अर्धशतक पुरा गरेका थिए।
अकमल र मिलरको विकेटपछि पाँचौ विकेटको लागि रोभम्यान पावेल र शरफेन रुथरफोर्डले ३४ रनको साझेदारी गरे। रुथरफोर्डले १० रन बनाए भने पावेल ४३ रनमा अविजित रहे। पावेलले मात्र १९ बलमा ५ छक्का र १ चौका मद्दतले ४३ रन बनाए।
इनिंग्सको अन्तिम ५ ओभरमा पेशावरले २ विकेट गुमाएर ५७ रन बनाउन सक्यो।
क्वेटाको बलिंगमा मोहम्मद नवाजले २ विकेट ( ४-०-३३-२ ) लिए भने मोहम्मद हसनेन ( ४-०-३०-१ ) र कुर्रम शाहजादले ( ४-०-२२-१ ) ले समान १ विकेट लिए।
लिग अंकतालिकामा क्वेटा ६ खेलमा १ जित र ५ हार बेहोर्दै २ अंक सहित छैठौं स्थानमा रहेको छ भने ६ खेलमा ३ जित र ३ हार बेहोर्दै ६ अंक बटुलेको पेशावर चौथो स्थानमा रहेको छ। आज जित हात परे पेशावरले दोश्रो स्थानमा रहेको इस्लामावादसंग अंक बराबरी गर्नेछ भने क्वेटा विजयी भए पाँचौ स्थानमा रहेको मुल्तानसंग अंक बराबरी गर्नेछ।