पाकिस्तान सुपर लिगको उपाधि जित्न मुल्तान सुल्तान्सले पेशावर जाल्मीलाई विशाल लक्ष्य प्रस्तुत गरेको छ।
युएईको अबुधाबी स्थित शेख जायद स्टेडियममा जारी फाइनलमा टस हारेर ब्याटिंग गरेको मुल्तानले निर्धारित २० ओभरमा ४ विकेट क्षेतीमा २०६ रन बनाउदै उपाधि जित्न पेशावरलाई २०७ रनको लक्ष्य प्रस्तुत गरेको हो।
मुल्तान ओपनर शान मसुद र मोहम्मद रिजवानले ६८ रनको ओपनिंग साझेदारी गर्दै राम्रो सुरुवात दिलाए। ३७ रन बनाएका मसुद र ३० रन बनाएका रिजवानलाई नवौं र एघारौँ ओभरमा मोहम्मद इमरानले पेभेलियन फर्काए।
तेश्रो विकेटको लागि सोहेब मक्सुद र राइलो रोस्सो आक्रामक ब्याटिंग गर्दै ९८ रनको उत्कृस्ट साझेदारी गरे। १९ औं ओभरमा समिन गुलबाट क्याच आउट हुनु अघि रोस्सोले मात्र २१ बलमा ५ चौका र ३ छक्का मद्दतले ५० रन बनाए।
सोहेब मक्सुदले अन्तिमसम्म ब्याटिंग गर्दै अविजित ६५ रन बनाए जुन क्रममा ३५ बलमा ६ चौका र ३ छक्का प्रहार गरे। अन्तिममा आक्रामक सट खेलेका खुस्दिल शाहले ५ बलमा २ छक्का प्रहार गर्दै अविजित १५ रन बनाए।
पेशावरको बलिंगमा समिन गुल ( ४-०-२६-२ ) र मोहम्मद इमरान ( ४-०-४७-२ ) ले समान २ विकेट लिए। कप्तान वहाव रियाज ( ४-०-५२-० ), मोहम्मद इरफान ( ४-०-२७-० ) र अमद बट ( ४-०-५२-० ) विकेटविहिन रहे।
मुल्तानले पहिलो क्वालीफायरमा इस्लामावादलाई ३१ रनले पराजित गर्दै फाइनलमा स्थान बनाएको थियो। पेशावरले दोश्रो इलिमीनेटरमा इश्लामावादलाईनै पराजित गर्दै फाइनलमा स्थान बनाएको थियो।