नेपाली लिग स्पिनर सन्दिप लामिछानेले सोमबार सिन्धुपाल्चोकको लिदि पहिरोपीडितलाई सहयोग गरेका छन् ।
उनले पहिरोबाट प्रभावित भएकाहरुलाई घर बनाउन आवश्यक सामग्री सहयोग गरेका हुन् । उनले गत वर्षको पहिरोले विस्थापित भएर बासखर्कमा बसेका पहिरोबाट प्रभावितलाई चौतारा पुगेर सहयोग गरेका हुन् ।
लामिछानेले जस्ता, फलामे ट्रस, पोल लगायत चार लाख बराबरका सामान जिल्ला विपद व्यवस्थापन समितिका अध्यक्ष अरुण पोखरेललाई हस्तान्तरण गरेका हुन् ।
स्वास्थ्य शिविर, मेलम्ची। pic.twitter.com/Fo7BqQdYKO
— Sandeep Lamichhane (@Sandeep25) June 28, 2021
विपद व्यवस्थापन समितिको पहल मार्फत बाह्रबिसे, बासखर्क र भोटेकोसीमा १०० वटा टहरा बनाउने लक्ष्य अनुसार उक्त सामाग्री प्राप्त भएको प्रमुख जिल्ला अधिकारी पोखरेलले जानकारी दिए ।
त्यसैगरी लामिछानेको टोलीले मेलम्ची बाढीबाट प्रभावितका लागि मेलम्चीमा स्वास्थ्य शिविर पनि संञ्चालन गरिएको थियो।
सम्बन्धित
टियु मैदानका ग्राउण्ड स्टाफलाई सन्दिपद्वारा घोषित सहयोग रकम हस्तान्तरण