काठमाडौँमा जारि एभरेस्ट प्रिमियर लिग अन्तर्गत मंगलबारको काठमाडौँ किंग्स-११ र भैरहवा ग्ल्याडीएटर्स बीचको एक मात्र खेल वर्षाका कारण खराब आउटफिल्डका कारण सम्भव नहुँदा दुवै टिमले एक/एक अंक बाँडेका छन्। गय राति लगातार भारि वर्षा पछि मैदान नसुके पछि टस समेत नभई खेल रद्द भएको हो।
खेल रद्द भएसंगै काठमाडौँ किंग्स-११ प्लेअफ पुगेको छ। ५ खेल खेल्दा काठमाण्डौंले १ खेलमा जित र ३ हार बेहोर्यो भने १ खेल नतिजाविहिन रह्यो। समान ३ अंक र समान १ जित रहेको ललितपुर नेट रन रेटमा पछि पर्दै पाँचौ स्थानमा रहेपछि प्लेअफ पुग्न असफल रह्यो।
आज १ अंक पाएको भैरहवाको पोखरासंग समान ७ अंक भएता पनि बढी जित भएको कारण पोखरा राईनोज अंकतालिकाको दोश्रो स्थानमा रहँदै पहिलो क्वालीफायर खेल्न छनोट भएको छ। पोखराको ५ खेलमा ३ जित रह्यो भने भैरहवाको २ जित मात्र रह्यो। बुधबार बिहान ९:३० बजे हुने पहिलो क्वालीफायरमा सोमपाल कामि कप्तानीको चितवन टाइगर्स र बिनोद भण्डारी कप्तानीको पोखरा राइनोजले प्रतिस्पर्धा गर्नेछन्। उक्त खेल जित्ने टिम फाइनल पुग्नेछ।
यस्तै भोलि दिउसो १:३० बजे सुरु हुने इलिमीनेटरमा भैरहवा ग्ल्याडीएटर्स र काठमाडौँ किंग्स-११ ले प्रतिस्पर्धा गर्नेछन्। उक्त खेलमा विजयी हुने टिमले पहिलो क्वालीफायरको विजेता टिमसंग फाइनल प्रवेशको लागि बिहिबार खेल्नेछ।
लिग अंकतालिकामा पाँचौ र छैटौं स्थानमा रहेको डिफेन्डिङ च्याम्पियन ललितपुर पेट्रिएट्स र बिराटनगर वारियर्स भने पहिलो चरणबाट बाहिर भएको छ।
