कर्णाली प्रदेशलाई १६० रनको विशाल अन्तरले पराजित गर्दै प्रदेश नम्बर-१ ले प्रधानमन्त्री कप महिला टि-ट्वान्टी राष्ट्रिय प्रतियोगितामा विजयी सुरुवात गरेको छ।
धनगढी स्थित फाप्ला मैदानमा सम्पन्न खेलमा प्रदेश-१ ले दिएको १६७ रनको विशाल लक्ष्य पछ्याउने क्रममा कर्णाली प्रदेशले ६ रनमै सम्पूर्ण विकेट गुमाउन पुग्यो। कर्णालीको लागि कप्तान आयुषा टन्डनले सर्वाधिक ३ रन योगदान दिईन्।
प्रदेश-१ को बलिंगमा अलिशा खडियाले सर्वाधिक ५ विकेट हात परिन् जुन क्रममा ४ ओभरमा ३ मेडन ओभर गर्दै मात्र १ रन खर्चिन्। संगीता राईले २ तथा सबनाम राईले एक विकेट हात पारिन्।
यस अघि टस जितेर ब्याटिंग गरेको प्रदेश-१ ले २० ओभरमा २ विकेट क्षेतीमा १६६ रन बनाएको थियो।
प्रदेश-१ को ब्याटिंगमा कप्तान रुबिना क्षेत्रीले सर्वादिक ७६ रन बनाईन् जुन क्रममा ६४ बलमा १० चौका प्रहार गरिन्। यस्तै अप्सरी बेगमले अविजित ६१ रन बनाईन् जुन क्रममा ६२ बलमा ५ चौका प्रहार गरिन्। पहिलो बलमै काजल श्रेष्ठ आउट भएपछि दोश्रो विकेटको लागि रुबिना र अप्सरीले १६५ रनको साझेदारी गरेका थिए। रिना अन्तिम ओभरमा आउट भईन्।
कर्णाली प्रदेशको लागि दुवै विकेट दिव्या धामीले लिईन् जसले ४ ओभरअ २५ रन खर्चिन्।
