पहिलो खेलमा घरेलु टोलि केन्यालाई ५ विकेटले पराजित गर्दै नेपालले केन्या भ्रमण अन्तर्गत पाँच खेलको टि-ट्वान्टी अन्तर्राष्ट्रिय सिरिजमा १-० को अग्रता हाँसिल गरेको छ।
नैरोबी स्थित जिमखाना मैदानमा केन्याले दिएको १३१ रनको लक्ष नेपालले ५ विकेट गुमाएर १९.२ ओभरमा भेटायो।
नेपालको ब्याटिंगमा दिपेन्द्र ऐरीले सर्वाधिक ३३ रन बनाए। आरिफ शेखले अविजित २४, ज्ञानेन्द्र मल्लले २३ तथा आसिफ शेखले १९ रन बनाए। केन्याका बलर लुकास ओलुच र ब्रज पटेलले २/२ तथा नेमिया ओडीयाम्बोले १ विकेट लिए।
यस अघि टस हारेर ब्याटिंग गरेको केन्याले २० ओभरमा ८ विकेट क्षतिमा १३० रन बनाएको थियो।
केन्याको लागि इरफान करिमले सर्वाधिक ३४ तथा लुकास एनडाडसनले अविजित ३१ रन योगदान दिए। नेपालको बलिंगमा सोमपाल कामिले ३ विकेट लिंदा सन्दिप लामिछानेले २ तथा आदील आलम र दिपेन्द्र ऐरीले १/१ विकेट लिए।
सिरिज अन्तर्गत दोश्रो खेल शुक्रबार हुनेछ। खेल नेपाली समय ३:४५ बजे दिउँसो सुरु हुनेछ।