CAM Premier League: बुद्ध भूमि र चितवन राइनोजको जित, बलरद्वय युवराज र रविन उत्कृष्ट 

काठमाडौं, चैत १४– युवराज मल्लको उत्कृष्ट बलिङ प्रेरित बुद्ध भूमि क्रिकेट क्लबले सोमबार क्याम प्रिमियर लिग क्रिकेट २०२३ मा जित निकालेको छ ।

क्याम युथ एसोसिएसन अस्ट्रेलियाको आयोजनामा सिड्नीमा जारी लिगमा डिफेन्डिङ च्याम्पियन बुद्ध भूमि क्रिकेट क्लबले क्याम युथ क्रिकेट क्लबमाथि ६ रनको रोमाञ्चक जित निकाल्यो । ११८ रनको सामान्य लक्ष्य पछ्याएको क्याम युथले निर्धारित २० ओभर नै खेलेपनि ९ विकेटको क्षतिमा १११ रन मात्र जोडेपछि साँघुरो हार बेहोर्यो । क्याम युथका विजय डीले ६६ रनको अर्धसतकीय इनिङ खेले । विजयले अलराउन्ड प्रदर्शन गरेपनि आफ्नो टोलीको हार टार्न सकेनन् । रोशनले १४ रन र सुजिथले १३ बनाए ।

बुद्ध भूमिको सामान्य लक्ष्य रक्षा गर्न युवराजले उत्कृष्ट प्रदर्शन गर्दै चार विकेट लिए । चार ओभर बलिङ गरेका युवराजले १६ रन मात्र खर्चिए । उनी म्यान अफ दी म्याचसमेत घोषित भए । उमेश र विजयको नाममा १÷१ विकेट रह्यो । त्यसअघि पहिले ब्याटिङ गरेको बुद्ध भूमि १५.३ ओभरमा ११७ रनमै अलआउट भए पनि बलिङमा साथ पाएपछि जित निकाल्यो । बुद्ध भूमिका लागि विजयी २५ रन, नरेन्द्रले २२ रन र नितेशले १६ रन जोडे । विजय डीले चार विकेट लिँदा मुस्कानले तीन तथा नवीनले दुई विकेट लिए ।

अर्को खेलमा रविन साहले उत्कृष्ट बलिङ प्रेरणामा चितवन राइनोज क्रिकेट क्लबले पनि जित निकाल्यो । चितवनले वेस्ट युनाइटेड क्रिकेट क्लबलाई तीन विकेटले हराएको हो । रविन साहले किफायती बलिङ गर्दै तीन विकेट लिएपछि वेस्ट युनाइटेड १६.१ ओभरमा १०२ रनमै समेटियो । चार ओभर बलिङ गरेका रविनले १५ रन मात्र खर्चिए । विशालले तीन तथा गौरवले दुई विकेट निकाले । चितवनका बलरले विकेटसँगै किफायती बलिङ गरेपछि वेस्ट युनाइटेड सस्तैमा रोकिएको हो ।

वेस्ट युनाइटेडका विवेकले ३० रन जोड्दा विशालले २४ रन र बिलाल ११ रन बनाए । त्यसपछि ब्याटिङ गरेको चितवन राइनोजले १८.५ ओभरमा ७ विकेटको क्षतिमा लक्ष्य पूरा गर्यो । चितवनका प्रशान्तले २४ रन, विनोदले १८ रन र रेशमले १५ रन बटुल्दै आफ्नो टोलीलाई जित दिलाए । वेस्ट युनाइटेडका विवेकले अलराउन्ड प्रदर्शन गर्दै तीन विकेट लिए पनि आफ्नो टोलीको हार टार्न सकेनन् । चार ओभर बलिङ गरेका विवेकले १८ रन मात्र खर्चिए । रविन र निशेषको नाममा समान एक विकेट रह्यो ।

दोस्रो सिजनको प्रतियोगितामा कुल १६ टोलीले प्रतिस्पर्धा गरिरहेका छन् ।

उक्त प्रतियोगिताको खेलहरू ब्रेसिङ्टन पार्क, साउथ एभर्ली पार्क र नर्थ एभर्ली पार्कमा हुनेछन् । क्याम युथ एसोसिएसनले अस्ट्रेलियाको सिड्नीमा नेपाली समुदायमाझ पहिलोपटक क्लब डे नाइट क्रिकेट प्रतियोगिता आयोजना गरेको हो । ‘हामी सँगै गर्न सक्छौं’ नाराका साथ जारी प्रतियोगिता जुनको मध्यसम्म चल्नेछ । खेलहरू प्रत्येक सप्ताहान्तमा हुनेछन् । नेपाली समुदायलाई क्रिकेटमार्फत चिनाउने उद्देश्यका साथ प्रतियोगिता आयोजना गर्न लागिएको प्रतियोगिताका निर्देशक मुस्कान पाण्डेले बताए ।

विजेताले ६ हजार र उपविजेताले दुई हजार अस्ट्रेलिया डलर पुरस्कार पाउने निर्देशक पाण्डेले जानकारी दिए । प्लेयर अफ दी सिरिजले पाँच सय डलर तथा अन्य विधाका उत्कृष्ट खेलाडीले पनि आकर्षक पुरस्कार पाउने आयोजकले जनाएको छ । प्रतियोगितालाई किङ्सटन इन्स्टिच्युट अस्ट्रेलियाले मुख्य प्रायोजन गरेको छ ।





थप समाचार

मुम्बईमाथि लखनाउको जित

काठमाडौं । १७ औं संस्करणको इन्डियन प्रिमियर (आइपीएल) को ६७ औं खेलमा मुम्बई इन्डियन्सलाई लखनाउ सुपर जायन्ट्सले पराजित गरेको छ […]

बागमतीलाई सानदार रुपमा हराउदै सुदुरपश्चिम फाइनलमा

काठमाडौं । सम्झना खड्काको शानदार ब्याटिङको सहयोगमा बागमती प्रदेशलाई शानदार रुपमा पराजित गर्दै जारी ललितपुर मेयर्स कपको फाइनलमा स्थान बनाएको […]

विश्वकपमा टस नजितेको नेपाल…

काठमाडौं । नेपालले आगामी जुन २ बाट अमेरिका र वेस्ट इन्डिजमा संयुक्त रुपमा आयोजना हुने नवौं संस्करणको टी-२० विश्वकपमा सहभागीता […]

टी-१० को लाइभ मकालु टिभीमा हुने

काठमाडौं । विराटनगरमा आयोजना हुने नेपाल टी-१० प्रतियोगिताको प्रत्यक्ष प्रशारणको अधिकार मकालु टेलिभिजनले लिएको छ । विराटनगर महानगरपालीकाको आयोजनामा हुने […]

नेपालले अमेरिका र क्यानडासँग वार्मअप खेल्ने

काठमाडौं । आगामी महिना वेस्ट इन्डिज र अमेरिकामा आयोजना हुने टी-२० विश्वकपको वार्मअप खेलको खेल तालिका प्रकाशन भएको छ । […]

नेपालको लगातार दोस्रो जित, एक खेल अगाबै सिरिज

काठमाडौं । विश्वकपको तयारीका लागि वेस्ट इन्डिजमा रहेको नेपाली टोलीले विन्डवर्ड्स भोलक्यान्सविरुद्धको दोस्रो अभ्यास खेलमा पनि जित हात पारेको छ […]