काठमाडौं । नेपाली महिला टोलीले तेस्रो तथा अन्तिम अभ्यास खेलमा श्रीलंका डेभलपमेन्ट टोलीलाई रोमान्चक रुपले हराएको छ ।
एसीसी एसिया कपका लागि श्रीलंकामा रहेको नेपाली टोलीले रोमान्चक दुई रनको जित हात पारेको हो ।
नेपालले दिएको १ सय १३ रनको लक्ष्य पछ्याएको श्रीलंकाली टोलीले २० ओभरमा १ सय १० रन मात्र जोड्न सक्यो ।
त्यसअघि पहिले ब्याटिङ गरेको नेपालले २० ओभरमा ६ विकेट गुमाएर १ सय १२ रन बनाएको हो ।
नेपालका लागि रुबिना क्षेत्रीले २६ बलमा ३७ तथा बिन्दु रावलले ३१ बलमा २० रन बनाईन् ।