ब्लाष्टरलाई जिपीएलको उपाधी

स्थानिय स्तरमा ग्रासरुट क्रिकेटको बिकास गर्ने लक्ष्यसहित आइपिएल संरचना जस्तै फ्रेन्चाइज लिग संचालन भइरहेको गल्याङ प्रिमियर लिग को प्रथम संस्करणको बिजेता गल्याङ ब्लाष्टर बन्न सफल भएको छ ।

गल्याङ ब्लाष्टरले प्रतियोगिताको फाइनल खेलमा गल्याङ इगल्सलाइ ७ विकेटले जित निकाल्दै बिजेता बनेको छ ।

गल्याङ इगल्स उपबिजेताको रुपमा रहदा दोश्रो क्वालिफायर खेलबाट बाहिरिएको रोयल च्यालेन्जर्स गल्याङ तेश्रो बन्न सफल भएको छ । ८ टोलि, टिम मालिक र साउन १५ गते अक्सन प्रक्रियाबाट खेलाडी खरिदबिक्री गरिएको थियो ।

अक्सनका लागि कुल १७० भन्दा धेरै गल्याङ र त्यस क्षेत्रका खेलाडीहरुले फारम भरेकोमा ८ टिममा १२० जना खेलाडी आबद्द भएका थिए । गल्याङ नगरपालिका मुख्य प्रायोजन रहेको प्रतियोगितामा लिग तर्फ कुल २८ र प्लेअफ तर्फ ४ गरि जम्मा ३२ खेल सन्चालन भएको थियो ।

प्रतियोगितामा स्याङ्जा जिल्ला कप्तान तथा गण्डकी प्रदेशका रेगुलर खेलाडी समेत रहेका गल्याङ ब्लाष्टरका कप्तान सन्दीप खत्री उत्कृष्ट खेलाडी बन्न सफल भएका छन भने ब्याटिङ तर्फा कुल ४९६ रन प्रहार गरेका खत्री नै प्रतियोगिताको बेष्ट ब्याट्सम्यान घोषित भएका छन ।

बेस्ट बलरको रुपमा बलाष्टरकै प्रशान्त भण्डारि कुल २२ विकेट सहित उत्कृष्ट बलर घोषित रहदा गल्याङ युनाइटेडका यु-19 खेलाडी अभिषेक भट्टराई र गल्याङ राइनोजका यु-16 खेलाडी सन्देश भन्डारी इमर्जिङ खेलाडी बनेका छन । त्यस्तै प्रतियोगितामा फेयर प्लेको अवार्ड राइजिङ स्टार्स गल्याङले हात पारेको छ ।

प्रतियोगितामा गल्याङ बलास्टर्स, गल्याङ इगल्स, रोयल च्यालेन्जर्स गल्याङ, गल्याङ युनाइटेड, कालीगण्डकी वारियर्स गल्याङ, राइजिङ स्टार्स गल्याङ, गल्याङ नाइटराइडर्स र गल्याङ राइनोजले सहभागिता जनाएका थिए ।

Related Posts

Leave a Reply

© 2026 WicketNepal - WordPress Theme by WPEnjoy