U19 National : आकाशको ह्याट्रिक विकेट, सुदूरपश्चिम फाइनल पुग्दा मधेश प्रदेशको पहिलो जित

Aakash Chand

सुदूरपश्चिम प्रदेश काठमाडौंमा जारी यू–१९ राष्ट्रिय क्रिकेट प्रतियोगिताको फाइनलमा प्रवेश गरेको छ । मुलपानी क्रिमेट मैदानमा शुक्रबार भएको लिग चरणको अन्तिम खेलमा सुदूरपश्चिमले बागमती प्रदेशलाई सात विकेटले हरायो ।

सुदूरपश्चिमले अपराजित यात्रा कायम राख्दै फाइनलमा स्थान बनाएको हो । मौसमका कारण केहि ढिला सुरु भएको खेल ४५ ओभरमा झारिएको थियो । बागमतीले जितका लागि दिएको एक सय २५ रनको लक्ष्य सुदूरपश्चिमल १९.१ ओभरमा पूरा गरेको थियो ।

सुदूरपश्चिमको जितमा कप्तान अनुराग सिंहलेअविजित ३९ रन बनाए । मिलन बोहोराले ३३, गजेन्द्र बोहोराले अविजित १९, दिपक बोहोराले १७ र दीपक बोहोराले १० रन बनाए। बलिङमा बागमतीका रोसन विकले दुई तथा प्रतिक श्रेष्ठले एक विकेट लिए ।

यसअघि ब्याटिङ गरेको बागमती २८.४ ओभरमा सबै विकेटको क्षतिमा एक सय २३ रन बनायो । बागमतीका लागि प्रतिक श्रेष्ठले ४४ रन बनाए । रोशन विकले अविजित ३६ र सक्षम बस्ताकोटीले ३३ रन बनाए ।

बलिङमा सुदूरपश्चिममा आकाश चन्दले ह्याट्रिक सहित चार विकेट लिए । चन्दले इनिन्ग्सको उनन्तीसौं ओभरको दोश्रो, तेश्रो र चौंथो बलमा सक्रिय कार्कीलाई एबिडब्लु, अविशेक कोइराला र एहमद राजालाई बोल्ड गर्दै ह्याट्रिक पुरा गरे। हेमन्त धामीले तीन तथा नरेन साउदले दुई र युवराज खत्रीले एक विकेट लिनुभयो।

लिग चरणमा सबै खेल जितेको सुदूरपश्चिम अंकतालिकाको शिर्षमा रह्यो। फाइनल पुग्ने दोश्रो टिम शनिवार ललितपुर र मधेश प्रदेश बीचको खेलले गर्नेछ। लुम्बिनीले मधेश प्रदेशलाई पराजित गरे फाइनल पुग्नेछ। लुम्बिनी पराजित भएको खण्डमा लुम्बिनी र बागमतीको समान ८ अंक हुनेछ जसकारण अंकतालिकामा अघि हुने टिम फाइनल पुग्नेछ।

मधेश प्रदेशको पहिलो जित 

टियु मैदानमा सम्पन्न दोश्रो खेलमा मधेश प्रदेशले गण्डकी प्रदेशलाई ५ विकेटले हरायो। गण्डकीले दिएको २१४ रनको लक्ष्य मधेशले ५ विकेट क्षेतीमा ४८.३ ओभरमा भेटायो।

मधेशको ब्याटिंगमा ओपनर मायान यादवले सर्वाधिक ४९ रन तथा मेघ राज रामले ४३ रन बनाए। अलि अन्सारीले ३२, इमरान शेखले २७, सरफराज मन्सुरी र डब्लु मलिकले समान २१ रन तथा कप्तान अविशेक तिवारीले अविजित १३ रन बनाए। मायान र मेघले ७४ रनको ओपनिंग साझेदारी गरे। दोश्रो विकेटको लागि मायाँ र इमरानले ४४ रन जोडे।

यस अघि टस हारेर ब्याटिंग गरेको गण्डकीले ४८.५ ओभरमा २१३ रन बनायो। गण्डकीका ओपनर गोविन्द बिकले सर्वाधिक ५३ रन बनाए। सुजन गौतमले ३०, सुदिप अर्यालले २७, करन पंगेनीले २५ तथा सिब्रिन श्रेष्ठले १६ रन बनाए।

मधेशका बलर साइमन रोयले ३, अब्जित मण्डल, अविशेक तिवारी र नितेश यादवले २-२ विकेट लिए। निकेश गुप्तले १ विकेट लिए।

 





थप समाचार

एलपीएल : होली फेमिलीलाई ७ विकेटले पराजित गर्दै लिटल फ्लावरको विजयी सुरुवात 

धनगढी – लिटल फ्लावर बोर्डिङ हाइ स्कुलले कैलालीको धनगढीमा जारी विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर […]

धनगढीमा एलपीएलको सातौँ संस्करण सुरु, उद्घाटन खेलमा सत्यवती एकेडेमी विजयी

कैलालीको धनगढीमा विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) को सातौँ संस्करण सुरु भएको छ […]

लिटल फ्लावर प्रिमियर लिग–७ को ट्रफी सार्वजनिक, तयारी पुरा

कैलाली २० माघ – धनगढीमा शनिवारबाट सञ्चालन हुने विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) […]

मिथिला कप : बिराट र मिकु चम्किंदा बजाज युथ सेमीफाइनलमा 

फुलबारी क्रिकेट क्लब सुनसरीलाई पराजित गर्दै बजाज युथ एकेडेमी, सप्तरी चौंथो संस्करणको मिथिला कप टि-२० क्रिकेट प्रतियोगिताको सेमीफाइनल प्रवेश गरेको […]

सन्दीपको मुद्दामा सर्वोच्चद्वारा कैफियत प्रतिवेदन माग

क्रिकेटर सन्दीप लामिछाने विरुद्धको पुनरावेदन निवेदनमा सर्वोच्च अदालतले कैफियत प्रतिवेदन माग गर्ने आदेश दिएको छ । शुक्रबार न्यायाधीश हरिप्रसाद फुयाँलको […]

सन्दीप लामिछानेविरुद्धको मुद्धा न्यायाधीश फुयाँलको इजलासमा

क्रिकेटर सन्दीप लामिछानेलाई थुनामै राखेर मुद्धाको पुर्पक्ष हुनुपर्ने भन्दै सर्वोच्च अदालतमा महान्यायाधिवक्ता कार्यालयले गरेको पुनरावेदनको पेशी शुक्रबार न्यायाधीश हरि फुयाँलको […]