नेपाली रास्ट्रिय टोलीका स्थापित खेलाडी आरिफ सेख र सोमपाल कामीले संयुक्त रुपमा राहत सामग्री सहयोग गरेका छन्।
कोभिड १९ अर्थात कोरोना भाइरसको महामारीले सिर्जना गरेको अनुकुल परिस्थितिको मध्यनजर गर्दै रास्ट्रिय टोलीका खेलाडि आरिफ सेख र सोमपाल कामीले संयुक्त रुपमा सिन्धुपाल्चोक स्थित पाँचपोखरी थाङ्गपाल धाप सामुदायिक स्वास्थ्य इकाईलाई आवश्यक स्वास्थ्य सामाग्री सहयोग गरेका हुन् ।
स्थानीय पाँचपोखरी क्रिकेट क्लबको समन्वयमा उनीहरुले कोरोनाबाट जोगिन आवश्यक सामाग्रीहरु सहयोग गरेका हुन्। कोरोना भाइरसको संक्रमण रोकथाम तथा नियनत्रणका लागि ग्लोब्स, सेनिटाइजर लगायत अन्य औषधिहरु वितरण गरिएको हो ।
स्वास्थ्य इकाईको अनुसार यी दुईको सहयोगले करिब १२ सय स्थानीय बासिन्दाहरु लाभदायक हुनेछन् । यस्तो भयभित अवस्थामा सहयोग गर्न लागिपरेका क्रिकेटरहरुलाई स्वास्थ्य समितिका संचालक सदस्यका अध्यक्ष बाबुराम पौडेलले उनीहरुप्रति धन्यवाद प्रकट गरेका थिए ।
यस अघि रास्ट्रिय टोलीका सदस्य बिनोद भण्डारीले आफ्नो गृहनगर महेन्द्रनगर युनाइटेडमा कोरोना महामारीले प्रभावित परिवारहरुमा राहत वितरण गरेका थिए ।
