घरेलु टोलि केन्यालाई ७ विकेटले पराजित गर्दै नेपालले केन्या भ्रमण अन्तर्गत तिन खेलको एकदिवसीय सिरिजमा १-० को अग्रता लिएको छ।
नैरोबी स्थित जिमखाना मैदानमा केन्यालले दिएको २१९ रनको लक्ष्य नेपालले ४७.२ ओभरमा ३ विकेट क्षेतीमा भेटायो। हेर्नुस स्कोरकार्ड
लक्ष्य पछ्याउने क्रममा नेपालको ओपनर आसिफ शेखले शतकीय योगदान दिए। लिस्ट ‘ए’ क्रिकेटमा पहिलो शतक बनाएका उनले १२० बलमा १२ चौका र २ छक्का प्रहार गर्दै ११० रन बनाए। अर्का ओपनर अर्जुन साउदले लिस्ट ‘ए’ डेब्युमा अर्धशतक बनाए जुन क्रममा ९७ बलमा ५ चौका र १ छक्का प्रहार गरे। आसिफ र अर्जुनले १४१ रनको ओपनिंग साझेदारी गर्दै जितको आधार तयार गरे।
अर्जुन ३२ औं ओभरमा ओबुयाबाट क्याच आउट भए। दोश्रो विकेटको आसिफले ज्ञानेन्द्र मल्लसंग ५७ रन जोडे। ४४ औं ओभरमा असिफलाई भिशिल पटेलले बोल्ड गरे। लगत्तै ओभरमा ज्ञानेन्द्र मल्ल ५० बलमा २४ रन बनाएर आउट भए। रोहित पौडेलले अविजित ३ तथा दिपेन्द्र ऐरीले अविजित १५ रन बनाउदै नेपाललाई जित दिलाए।
टस जितेर ब्याटिंग गरेको केन्याले ४८.१ ओभरमा २१८ रन बनायो। केन्याको लागि राकेप पटेलले सर्व्धिक ६७, कोलिन्स ओबुयाले ६२ रन अनाये। इरफान करिमले ३० तथा सचिन बुढीयाले २६ रन बनाए।
नेपालको बलिंगमा सोमपाल कामि र करन केसीले ३/३ विकेट तथा अदिल अन्सारी र पवन सर्राफले १/१ विकेट लिए।
सिरिज अन्तर्गत दोश्रो खेल शनिवार १२:४५ बजे दिउँसो सुरु हुनेछ। यस अघि सम्पन्न टि-२० अन्तर्राष्ट्रिय सिरिज नेपालले ३-२ ले जितेको थियो।
