काठमाडौं । अस्ट्रेलियामा जारी अभानी प्रिमियर लिगमा कंगारु क्रिकेट क्लब तथा वारियर्स क्रिकेट क्लबले जित निकालेका छन् ।
छैटौं खेलमा दोस्रो जित निकाल्नेक्रममा कंगारुले सगरमाथा क्रिकेट क्लबलाई ४ विकेटले पराजित गरेको हो ।
पहिले ब्याटिङ गरेको सगरमाथा १८ दशमलब ४ ओभरमा ९१ रन बनाउँदै अल आउट भयो ।
सगरमाथाका लागि अनिलले १८ बलमा २१ तथा बिष्णु कटवालले १३ बलमा २० रन बनाए ।
कंगारुका लागि सुमन तिमिल्सिनाले तीन तथा सुसिल श्रेष्ठ र सुमित गिरीले समान दुई दुई विकेट लिए ।
सगरमाथाले दिएको ९२ रनको लक्ष्य कंगारुले १४ दशमलब २ ओभरमा ६ विकेट गुमाएर पूरा गर्यो ।
कंगारुका लागि शैलेस हमालले २६ बलमा ३७ तथा सचिन पौडेलले २१ बलमा २० रन बनाए ।
सगरमाथाका लागि अर्जुन श्रेष्ठले तीन तथा माधव प्रसाइ र ओम शाहले एक एक विकेट लिए ।
कंगारु छ खेलमा ४ जितका साथ चौथो स्थानमा छ । छ खेलमा २ जितका साथ सगरमाथा छैठौं स्थानमा छ ।
अर्को खेलमा वारियर्सले द रोयल खुकुरीलाई १६ रनले पराजित गर्यो ।
पहिले ब्याटिङ गरेको वारियर्सले २० ओभरमा ५ विकेट गुमाएर १ सय ९९ रन बनाएको थियो ।
वारियर्सका लागि नविन गुरुङले ४४ बलमा ७३ तथा अमन सिंहले ४४ बलमा ५३ रन बनाएका थिए ।
खुकुरीका लागि सुलभ राउतले दुई तथा कप्तान पियुष गौतमले एक विकेट लिए ।
२ सय रनको लक्ष्य पछ्याएको खुकुरीले २० ओभरमा ९ विकेट गुमाएर १ सय ८३ रन मात्र बनायो ।
खुकुरीका लागि सागर थापाले ४५ बलमा ३५ तथा शुभम क्षेत्रीले ४ बलमा १४ रन बनाएका थिए ।
वारियर्सका लागि नविन बस्नेतले चार तथा विवेक यादवले तीन विकेट लिए ।
छ खेलमा चार जितका साथ वारियर्स दोस्रो स्थानमा छ । पराजित खुकुरी समान जीतका साथ तेस्रो स्थानमा छ ।
