- विकेटनेपाल, ११ मंसिर,काठमाण्डौ।
मिलानो नेक्सस कप अन्डर सिक्सटिन टि-२० क्रिकेट प्रतियोगिताको पाँचौ दिन सम्पन्न खेलहरुमा वेस्टर्न क्रिकेट एकेडेमी बुटवलले मध्यपश्चिम क्रिकेट क्लबलाई ६८ रन र ओसिस क्रिकेट एकेडेमी काठमाण्डौले युनाइटेड क्रिकेट एकेडेमी बिर्तामोडलाई २ विकेटले पराजित गरेका छन्।
मुलपानी क्रिकेट मैदानमा मंगलबार सम्पन्न पहिलो खोलमा टस हारेर ब्याटिङको निम्तो पाएको वेस्टर्न क्रिकेट एकेडेमीले २० ओभरमा ३ विकेको क्षेती ब्यहोर्दै १३८ रन बनाएको थियो। वेस्टर्नका सुबास बिकले ३४ बलमा ८ चौका प्रहार गरी ४७ रन, सिमान्त शाहीले ३५ रन र बिष्णु पाण्डेले ३० रन बनाएका थिए। बलिङतर्फ मध्यपश्चिम क्रिकेट क्लब कोहलपुरका सौगात रानाभाट, धन ब.थापा र अनुराग वलीले समान १/१ विकेट लिएका थिए।
जवाफी ब्याटिङमा उत्रेको कोहलपुरले २० ओभर खेल्दै १० विकेटको क्षेती ब्यहोदा ७० रनमै समेटिएको थियो। बलिङतर्फ वेस्टर्नका अबिशेक गौतमले ४ ओभर बलिङ गर्दै २ मेडन ओभर सहित ९ रन दिएर ५ विकेट लिएका थिए। शुभम अर्यालले ३ विकेट लिएका थिए।
म्यान अफ दि म्याच घोषित अबिशेक गौतमलाई नेक्सस क्रिकेट एकेडेमीकी प्रबन्धक निर्देशक बिजय शर्माले ट्रफी प्रदान गर्नु भएको थियो।
दोस्रो खेल ओसिस २ विकेटले बिजयी
मंगलबारको दोस्रो खेलमा टस जितेर ब्याटिङमा उत्रेको युनाइटेड क्रिकेट एकेडेमी बिर्तामोडले निधारित २० ओभरमा ९ वीकेट गुमाउदै ९५ रन बनाएको थियो। बिर्तामोडका सम्भव श्रेष्ठले ४४ बल खेल्दै १ छक्का र ४ चौकाको सहयोगमा ४४ रन बनाएका थिए भने रुपक बरालले २० रन र समिरकार्कीले १८ रन बनाएका थिए।
ओसिसका म्यान अफ दि म्याच घोषित आरम्भ तिमिल्सीनाले ३ विकेट, दिपेश कडेल र आषिश भट्टराईले समान २/२ विकेट लिएका थिए।
जवाफी ब्याटिङमा उत्रेको ओसिसका राजन मगर ३९ रन बनाउदा १९ ओभरमा लक्ष्य भेट्टाएको थियो । नेक्सस क्रिकेट एकेडेमीका अध्यक्ष भरत कुमार शाहीले म्यान अफ दि म्याचको ट्रफी प्रदान गर्नु भएको थियो ।
