- विकेटनेपाल, ६ चैत्र
मार्च २५ देखि बंगलादेशमा सुरु हुने एसीसी इमर्जिंग टिम्स एसिया कपको लागि नेपाली क्रिकेट टिमले अभ्यास थालेको छ l टियु मैदानमा आज बिहान ९ बजे देखि नेपाली टिमले अभ्यास सुरु गरेको छ l
एसियाली टेस्ट रास्ट्रहरुको यु-२३ टिम सहित नेपाल, अफगानिस्तान, हंगकंग र मलेसिया सहभागी हुने प्रतियोगिताको लागि बुधबार १५ सदस्यीय टोलिको घोषणा गरिसकिएको छ l
सहभागी ८ टोलिलाई २ वटा समुहमा बिभाजन गरेर खेलाइनेछ l नेपालको समुह ‘बि’ मा पाकिस्तान, बंगलादेश र हंगकंग रहेका छन् भने समुह ‘ए’ मा भारत, श्रीलंका, अफगानीस्तान र मलेसिया रहेका छन् l
नेपालले प्रतियोगितामा आफ्नो पहिलो खेल पाकिस्तानसंग मार्च २७ मा खेल्ने छ भने बंगलादेशसंग मार्च २८ तथा मार्च ३० मा हंगकंगसंग खेल्नेछ l दुवै समुहबाट टप-२ टोलिले सेमीफाइनलमा स्थान बनाउनेछ l
पारस खड्काको अनुपस्थितिमा नेपाली क्रिकेट टिमको कप्तानी ज्ञानेन्द्र मल्लले गर्नेछन् l शक्ति गौचन, बसन्त रेग्मी, सोमपाल कामि जस्ता सिनियर खेलाडीहरुलाई टिममा स्थान दिईएको छैन l
केन्यासंग टिममा नरहेका दिलिप नाथ, तिब्रगति बलर दिपेश श्रेष्ठले मौका पाएका छन् l यस्तै देब्रेहाते स्पिनर भुवन कार्की र सुशन भारिले पनि १५ सदस्यीय टोलिमा छन् l
( फिचर फोटो : फाइल तस्बिर )
यो पनि पढ्नुस :-
