यु-१९ एसिया कप क्रिकेटमा नेपाल भारत, पाकिस्तान र अफगानिस्तानको समूहमा परेको छ । प्रतियोगिता आगामी महिना ८ देखि १८ डिसेम्बरसम्म युनाइटेड अरब इमिरेट्समा आयोजना हुनेछ।
प्रतियोगितामा सहभागी हुने ८ टिमलाई दुई समूहमा बिभाजन गरिएको छ। नेपाल रहेको समुह ‘ए’ मा भारत, पाकिस्तान र अफगानिस्तान छन्। समूह बीमा भने आयोजक यूएईसहित बङ्गलादेश, श्रीलङ्का र जापान छन् ।
एसियाली क्रिकेट काउन्सिल एसीसीले सार्वजनिक गरेको खेल तालिका अनुसार नेपालले पहिलो खेल डिसेम्बर ८ मा पाकिस्तानसँग आईसीसी एकेडेमी ओभल-१ मैदानमा खेल्ने छ ।
यस्तै नेपालको दोस्रो खेल डिसेम्बर १० मा अफगानिस्तानसँग आईसीसी एकेडेमी ओभल-२ मैदानमा र तेस्रो खेल १२ डिसेम्बरमा भारतसँग आईसीसी एकेडेमी ओभल-२ मैदानमा हुने छ ।
समूहका २ शीर्ष टोली सेमिफाइनलमा पुग्ने छन् । फाइनल खेल १७ डिसेम्बरमा हुने छ । एसिया कप सकिएको एक महिनापछि नेपालले श्रीलङ्कामा हुने यु-१९ विश्वकप क्रिकेट खेल्ने छ ।
खेलतालिका
https://youtu.be/2sQxgUaB9Vk?si=-2-mRINC06BP2VUu