अफगानिस्तानसामु जिम्बाबे कमजोर साबित, रासिद र रहमत उत्कृस्ट

  • विकेटनेपाल, माघ २७ – शनिबार

अफगानिस्तान र जिम्बाबेबीच गएराति भएको पहिलो एकदिवसीय क्रिकेटमा अफगानिस्तानले जिम्बाबेलाई १५४ रनको फराकिलो अन्तरले पराजित गरेको छ । यसअघि भएको टी- २० क्रिकेटको सिरिज पनि अफगानिस्तानले २/० अन्तरले जितेको थियो।

५ एकदिवसीयको सिरिज अन्तर्गत शारजाह मैदानमा सम्पन्न पहिलो खेलमा अफगानिस्तानलाई जिताउन रहमत शाहले शतकीय पारि खेलेका थिए भने रासिद खानले उत्कृस्ट बलिंग गरे।

अफगानिस्तानको ब्याटिंग 

टस जितेर पहिले ब्याटिंग गरेको अफगानिस्तानले ५० ओभरमा ५ विकेट गुमाएर ३३३ रनको बिशाल योगफल तयार पारेको थियो। पहिलो विकेटको लागि मोहम्मद सेहजाद र इसाउल्लाह जनतले ९० रनको साझेदारी गरे । सेहजादले ३६ रन तथा जनतले ५४ रन बनाए ।

रहमत शाहले ११४ रनको पारि खेल्ने क्रममा ११० बलमा ८ चौका र ४ छक्का प्रहार गरे। त्यसक्रममा उनले नाजिबुल्लाह ज़द्रानसँग ५ औं विकेटको लागि १५८ रनको साझेदारी समेत गरे। ज़द्रानले ५१ बलमा अविजित ८१ रन ( ५ चौका, ५ छक्का ) बनाए ।

जिम्बाबेको लागि ग्रेम क्रिमरले सर्बाधिक ३ विकेट लिन ४७ रन खर्चिए।

 

रासिदको बलिंगमा जिम्बाबे निरिह 

रशिद खानले ४ विकेट लिन मात्र २६ रन खर्चेपछि ३३४ रनको लक्ष्य पछ्याएको जिम्बाबे मात्र १७९ रनमा समेटियो। यु-१९ रास्ट्रिय क्रिकेट टिमबाट रास्ट्रिय टिममा स्थान बनाएका मुजीब ज़द्रानले पनि २ विकेट हात पारे।

जिम्बाबेको लागि सोलोमोन मिरेले ३४ रन, क्रेग ईर्भाइनले ३३ रन, सिकन्दर राजाले २५ रन बनाएपनि कुनै पनि ब्याट्सम्यानले ठुलो स्कोर बनाउन नसक्दा जिम्बाबेले ठुलो पराजय व्यहोर्न बाध्य भयो।

आफ्नो एकदिवसीय करियरको तेस्रो शतक प्रहार गरेका रहमत शाह म्यान अफ द म्याच घोषित भए। सिरिजको दोश्रो एकदिवसीय खेल ११ फेब्रुअरीमा शारजाह मैदानमानै हुनेछ।

( फोटो, ग्राफिक्स – अफगानिस्तान क्रिकेट बोर्ड, आईसीसी )





थप समाचार

एलपीएल : होली फेमिलीलाई ७ विकेटले पराजित गर्दै लिटल फ्लावरको विजयी सुरुवात 

धनगढी – लिटल फ्लावर बोर्डिङ हाइ स्कुलले कैलालीको धनगढीमा जारी विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर […]

धनगढीमा एलपीएलको सातौँ संस्करण सुरु, उद्घाटन खेलमा सत्यवती एकेडेमी विजयी

कैलालीको धनगढीमा विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) को सातौँ संस्करण सुरु भएको छ […]

लिटल फ्लावर प्रिमियर लिग–७ को ट्रफी सार्वजनिक, तयारी पुरा

कैलाली २० माघ – धनगढीमा शनिवारबाट सञ्चालन हुने विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) […]

मिथिला कप : बिराट र मिकु चम्किंदा बजाज युथ सेमीफाइनलमा 

फुलबारी क्रिकेट क्लब सुनसरीलाई पराजित गर्दै बजाज युथ एकेडेमी, सप्तरी चौंथो संस्करणको मिथिला कप टि-२० क्रिकेट प्रतियोगिताको सेमीफाइनल प्रवेश गरेको […]

सन्दीपको मुद्दामा सर्वोच्चद्वारा कैफियत प्रतिवेदन माग

क्रिकेटर सन्दीप लामिछाने विरुद्धको पुनरावेदन निवेदनमा सर्वोच्च अदालतले कैफियत प्रतिवेदन माग गर्ने आदेश दिएको छ । शुक्रबार न्यायाधीश हरिप्रसाद फुयाँलको […]

सन्दीप लामिछानेविरुद्धको मुद्धा न्यायाधीश फुयाँलको इजलासमा

क्रिकेटर सन्दीप लामिछानेलाई थुनामै राखेर मुद्धाको पुर्पक्ष हुनुपर्ने भन्दै सर्वोच्च अदालतमा महान्यायाधिवक्ता कार्यालयले गरेको पुनरावेदनको पेशी शुक्रबार न्यायाधीश हरि फुयाँलको […]