बंगलादेश, जिम्बाबे र अफगानिस्तान बीच जारि त्रिकोणात्मक सिरिज अन्तर्गत दोश्रो खेलमा अफगानिस्तानले जिम्बाबेलाई २८ रनले पराजित गरेको छ। सिरिज अन्तर्गत पहिलो खेलमा बंगलादेशले जिम्बाबेलाई शुक्रबार ३ विकेटले पराजित गरेको थियो।
शेरे बंगला स्टेडियम ढाकामा सम्पन्न खेलमा अफगानिस्तानले पहिले ब्याटिंग गर्दै दिएको १९८ रनको लक्ष्य पछ्याउने क्रममा जिम्बाबेले २० ओभरमा ७ विकेट गुमाएर १६९ रन मात्र बनाउन सक्यो।
लक्ष्य पछ्याउने क्रममा जिम्बाबेको लागि रेगिस चकाभाले सर्वाधिक अविजित ४२ रन बनाए जुन क्रममा ३ चौका र २ छक्का प्रहार गरे। एक समय ९६ रनमा ६ विकेट गुमाईसकेको अवस्थामा चकाभा र नेभिल्ले म्याडजिभाले सातौँ विकेटको लागि ४५ रनको साझेदारी गर्दै ठुलो हार बाट जोगाए।
अफगानिस्तान बलर रासिद खान ( ४-०-२९-२ ) र फरिद मलिकले ( ४-०-३५-२ ) समान २/२ विकेट लिए।
लगातार ७ छक्का मद्दतले अफगानिस्तानको विशाल योगफल
टस हारेर ब्याटिंग गरेको अफगानिस्तानको लागि नाजिबुल्लाह जद्रानले सर्वाधिक ६९ रन बनाए। ३० बलमा उनले ५ चौका र ६ छक्का प्रहार गरे। यस्तै ओपनर रह्मनुल्लाह गुर्बाजले २४ बलमा ४३ ( ४ चौका र २ छक्का ) तथा मोहम्मद नाबीले १८ बलमा ३८ रन ( ४ छक्का ) बनाए।
९० रनमा ४ विकेट गुमेको अवस्थामा जद्रान र नाबीले पाँचौ विकेटको लागि १०७ रनको साझेदारी गर्दै टिमलाई ठुलो योगफलतर्फ डोर्याएका थिए।
टेन्डाइ चताराले गरेको अफगानिस्तान इनिंगको १७ औं ओभरको अन्तिम ४ बलमा मोहम्मद नाबीले लगातार ४ छक्का प्रहार गरेका थिए। त्यस लगत्तै नेभिल्ले म्याडजिभाले गरेको १८ औं ओभरको पहिलो ३ बलमा नजिबुल्लाह जद्रानले ३ छक्का प्रहार गरेका थिए। जद्रान प्लेयर अफ द म्याच चुनिए।
जिम्बाबे बलिंगमा चताराले २ विकेट लिन ४ ओभरमा ५३ रन खर्चिए भने सिन विलियम्सले २ विकेट लिन १६ रन मात्र खर्चिए।
