न्युजिल्यान्डमाथि अफगानिस्तानको शानदार जित

काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपको चौथौं खेलमा अफगानिस्तानले न्युजिल्यान्डलाई शानदार रुपमा पराजित गरेको छ ।

वेस्ट इन्डिजको गुयनामा भएको खेलमा लगातार दोस्रो जित निकाल्ने क्रममा अफगानिस्तानले ८४ रनको फराकिलो जित निकाल्यो ।

अफगानिस्तानले दिएको १ सय ६० रनको लक्ष्य पछ्याएको न्युजिल्यान्ड १५ दशमलब २ ओभरमा ७५ रन बनाउँदै अल आउट भयो ।

न्युजिल्यान्डका लागि ग्लेन फिलिप्सले १८ तथा म्याट हेनरीले १२ रन बनाउँनु बाहेक अन्य ब्याटरले दोहोरो अंकमा रन बनाउँन सकेनन् ।

अफगानिस्तानका लागि फैजलहक फारुकीले चार तथा राशिद खानले तीन विकेट लिए । मोहम्मद नावीले दुई विकेट लिए ।

त्यसअघि टस हारेर पहिले ब्याटिङ गरेको अफगानिस्तानले २० ओभरमा ६ विकेट गुमाएर १ सय ५९ रन बनाएको थियो ।

अफगानिस्तानका लागि ओपनर रहमानुल्लाह गुर्वाजले ५६ बलमा ५ चौका र ५ छक्काको सहयोगमा ८० रनको अर्धशतकीय ईनिङ खेले । अर्का ओपनर इब्राहिम जाद्रानले ४१ बलमा ४४ तथा अजमतुल्लाह उमजाईले १३ बलमा २२ रन बनाए ।

न्युजिल्यान्डका लागि ट्रेन्ट बोल्ट र म्याट हेनरीले समान दुई दुई तथा लकि फर्गुसनले एक विकेट लिए ।

लगातार दुई खेलमा विजयी अफगानिस्तान दुई खेलमा चार अंकका साथ समूह सी को शीर्ष स्थानमा कायमै छ ।

 





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]