T20WC : दबाबमा आसिफको विस्फोटक ब्याटिंग, पाकिस्तानको लगातार तेश्रो जित

दबाबमा आसिफ अलिले आक्रामक ब्याटिंग गर्दा अफगानिस्तानलाई ५ विकेटले पराजित गर्दै टि-२० विश्वकपमा पाकिस्तानले लगातार तेश्रो जित दर्ता गरेको छ।

दुबई अन्तर्राष्ट्रिय मैदानमा अफगानिस्तानले दिएको १४८ रनको लक्ष्य पाकिस्तानले एक ओभर बाँकी रहँदै ५ विकेट गुमाएर भेटायो। जितमा कप्तान बाबर आजमले सर्वाधिक ५१ रन बनाए जुन क्रममा ४७ बलमा ४ चौका प्रहार गरे। फखर जमानले ३० रन, शोयब मलिकले १९ रन बनाए भने आसिफ अलिले मात्र ७ बलमा ४ छक्का प्रहार गर्दै अविजित २५ रन बनाए।

लक्ष्य पछ्याउने क्रममा ओपनर मोहम्मद रिजवान ८ रन तेश्रो ओभरमा मुजिब उर् रहमानबाट क्याच आउट हुन पुगे। त्यसपछि बाबर आजमले फखर जमानसंग ६३ रनको साझेदारी गरे। बाह्रौं ओभरमा जमानलाई कप्तान मोहम्मद नाबीले एलबिडब्लु पारे भने पन्ध्रौँ ओभरमा मोहम्मद हफिजलाई राशिद खानले क्याच  गरे। बाबर र शोयब मलिकले चौंथो विकेटको लागि २५ रन जोडे। अर्धशतक पुरा गरेलगत्तै सत्रौं ओभरमा राशिदले बाबरलाई बोल्ड गरे जति बेला जित्न १८ बलमा २६ रन आवस्यक थियो।

अठारौं ओभरमा नभिन उल हकले जमिसकेका अर्का ब्याट्सम्यान मलिकलाई क्याच आउट पार्दै मात्र २ रन खर्चिए। १२ बलमा जित्न पाकिस्तानलाई २४ रन आवस्यक रह्यो। दबाबमा ब्याटिंगमा आएका आसिफ अलिले करिम जनतले गरेको उन्नाईसौं ओभरको पहिलो, तेश्रो, पाँचौ र छैठौं बलमा छक्का प्रहार गर्दै पाकिस्तानलाई एक ओभर अगावै जित दिलाए।

अफगानिस्तानको बलिंगमा रशिद खानले दुई विकेट ( ४-०-२६-२ ) , नाभिन उल हक ( ३-०-२२-१ ), मुजिब उर् रहमान ( ४-०-१४-१ ) र मोहम्मद नाबीले ( ४-०-३६-१ ) समान एक विकेट लिए।

यस अघि टस जितेर ब्याटिंग रोजेको अफगानिस्तानले २० ओभरमा ६ विकेट गुमाएर १४७ रन बनाएको थियो। उसको लागि गुल्बदिन नैबले मोहम्मद र मोहम्मद नाबीले अविजित रहँदै समान ३५ रन बनाए। नैबले २५ बलमा ४ चौका र १ छक्का तथा नाबीले ३२ बलमा ५ चौका प्रहार गरे। यस्तै नजीबुल्लाह जद्रानले २२, करिम जनतले १५ तथा रहमनुल्लाह गुर्बज र अस्घर अफ्घानले समान १० रन बनाए।

७६ रनमा ६ विकेट गुमाएको अवस्थामा नाबीले गुल्बदिन नैबसंग ४५ बलमा अविजित ७१ रनको साझेदारी गरे। हसन अलिले गरेको अठारौं ओभरमा गुल्बदिन नैबले १ छक्का र २ चौका प्रहार गर्दा अफगानिस्तानले एकै ओभरमा १९ रन पायो। उन्नाइसौं ओभरमा हरिस रौफले १५ रन खर्चिए। अन्तिम ओभरमा शाहिन अफ्रिदीले ७ रन खर्चिए। अन्तिम ५ ओभरमा अफगानिस्तानले विकेट नगुमाई ५४ रन बनायो भने।

पाकिस्तान बलर इमाद वासिमले दुई विकेट ( ४-०-२५-२ ) लिए भने, शाहिन अफ्रिदी ( ४-०-२२-१ ), हरिस रौफ ( ४-०-३७-१), हसन अलि ( ४-१-३८-१ ) र शदाब खान ( ४-०-२-१ ) ले समान एक विकेट लिए।

जितपछि पाकिस्तान सुपर-१२ चरणको समुह ‘२’ अंकतालिकामा ६ अंक सहित शिर्ष स्थानमा कायमै रहेको छ। प्रतियोगिता अन्तर्गत पाकिस्तानले आगामी खेल नामिबियासंग नोभेम्बर २ तारिखमा तथा अफगानिस्तानले नामिबियासंग अक्टोबर ३१ तारिखमा खेल्नेछ।

अंकतालिका 





थप समाचार

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]

सिरिज जित्न नेपालद्वारा क्यानडालाई १८२ रनको लक्ष्य

काठमाडौं । क्यानडा-११ विरुद्ध सिरिज जित्नका लागि नेपालले १ सय ८२ रनको लक्ष्य प्रस्तुत गरेको छ । मुलपानी क्रिकेट मैदानमा […]

नेपालले टस हार्यो, जोरा कप्तानमा निरन्तर

काठमाडौं । क्यानडा-११ विरुद्धको तीन खेलको एकदिवसीय सिरिजको अन्तिम खेलमा नेपालले टस हारेको छ । अन्तिम तथा निर्णायक खेलमा नेपालले […]

डिसिएल–२ को मुख्य प्रायोजकमा नेपाल टेलिकम

दाङ । दाङमा हुन लागेको लुम्बिनी प्रदेशकै सबैभन्दा ठूलो प्रतियोगिता दाङ क्रिकेट लिग (डिसिएल)-२ को मुख्य प्रायोजकमा नेपाल टेलिकम आबद्ध […]

नेपालमाथि नामिबियाको लगातार दोस्रो जित

काठमाडौं । नामिबियाले नेपालमाथि लगातार दोस्रो खेलमा जित निकालेको छ । टियु मैदान कीर्तिपुरमा भएको विश्वकप लिग टु अन्तर्गतको त्रिकोणात्मक […]

आशिफको अर्धशतकमा नामिबियालाई १६९ रनको लक्ष्य

काठमाडौं । ओपनर आशिफ शेखको अर्धशतकको सहयोगमा नेपालले नामिबियालाई १ सय ६९ रनको लक्ष्य दिएको छ । टियु मैदान कीर्तिपुरमा […]