काठमाडौं । दक्षिण अफ्रिकाका हालका कप्तान एडेन मारकम कप्तानको रुपमा अपराजित रहेका छन् । दक्षिण अफ्रिकाको कप्तानी गर्दै मारकमले पहिलो पटक टोलीलाई टी-२० विश्वकपको फाइनलमा पुर्याएका छन् । उपाधीका लागि अफ्रिकी टोलीले शनिबार भारतसँग खेल्दैछ ।
मारकमले विश्वकपमा यू-१९ तथा सिनियर ओडिआई टोलीको विश्वकपमा कप्तानी गरेका छन् । सन् २०१४ को यू-१९ विश्वकपमा अफ्रिका पहिलो पहिलो पटक मारकमकै कप्तानमा च्याम्पियन बनेको थियो । युएईमा आयोजना भएको सो विश्वकप खेलेका ६ खेलमा नै अपराजित रहेर दक्षिण अफ्रिका च्याम्पियन भएको थियो ।
गत वर्ष भारतमा भएको ओडीआई विश्वकपमा नियमित कप्तान टेम्बा बभुमा घाईते हुँदा दुई खेलमा मारकमले कप्तानी गरेका थिए । यसमा पनि मारकमले शतप्रतिशत नतिजा आफ्नो पक्षमा पारेका थिए ।
यस टी२० विश्वकपमा आठ खेलमा अपराजित रहँदै दक्षिण अफ्रिका फाइनल पुगेको छ । मारकमकै कप्तानीमा रहेको सनराईजर्स केपटाउन टिम एसए २० मा दुई संस्करणमा दुवैमा च्याम्पियन भएको छ ।
