- विकेटनेपाल, माघ-१४ , सोमबार
अन्तर्राष्ट्रिय क्रिकेट परिषद आईसीसीले भारतीय खेलाडी अम्बाती रायडूलाई अन्तर्राष्ट्रिय क्रिकेटमा बलिङ्ग गर्न प्रतिबन्ध गरेको छ। आईसीसीले सोमबार यसको घोषणा गरेको छ।
३३ वर्षीय पार्ट-टाईम अफ स्पिनर रायडूको बलिङ्ग याक्सनबारे अस्ट्रेलियासंगको एकदिवसीय सिरिजमा रिपोर्ट दर्ता भएको थियो।
“आईसीसीले दिएको १४ दिनको समयमा आफ्नो बलिङ्गको रिपोर्ट पेस गर्न रायडू असफल रहेको कारण आईसीसीले आफ्नो नियमावलीको खण्ड ४.२ अन्तर्गत तुरुन्त प्रभाव हुने गरि निलम्बन गरेको छ” आईसीसीद्वारा प्रेस बिज्ञप्तिमा लेखिएको छ।
अस्ट्रेलिया र भारत बीच सिड्नीमा १३ जनवरीमा खेलिएको एकदिवसीय अन्तर्राष्ट्रियको दौरान बलिङ्ग गर्दा अम्बातीको बलिङ्ग याक्सन संकास्पद पाईएको थियो। त्यसपछि आईसीसीले उनलाई बलिङ्ग परिक्षणको रिपोर्ट दिन १४ दिनको समय दिएको थियो।
“रायडूको प्रतिबन्ध उनले आफ्नो बलिङ्गको परिक्षण दिएर फेरी मान्य बलिङ्ग याक्सन गर्न सक्षम नभएसम्म लागु हुनेछ”
घरेलु क्रिकेटमा भने रायडूलाई बलिङ्ग गर्न पाउनेछन्। भारतीय क्रिकेट कन्ट्रोल बोर्डको नियमानुसार उनले घरेलु क्रिकेटमा भने बलिङ्ग गर्न पाउनेछन्।
आईसीसीको नियम अनुसार बलरले बलिङ्ग गर्दा १५ डिग्री भन्दा बढी आफ्नो हात खुम्च्याउन पाउदैन।
भारतको लागि ५० एकदिवसीय खेलीसकेका रायाडूले ९ खेलमा बलिङ्ग गर्दा ३ विकेट लिएका छन्। ब्याटिंगतर्फ भने उनले ५०.६७ को औशतले १५७१ रन बनाईसकेका छन् जुन क्रममा ३ शतक र ९ अर्धशतक प्रहार गरेका छन्।
न्युजिल्याण्डसंग जारि एकदिवसीय सिरिजको पहिलो खेलमा अविजित १३, दोश्रो खेलमा ४८ रन तथा तेश्रो खेलमा उनले अविजित ४० रन बनाएका थिए। वेस्ट इन्डिजसंग गत वर्ष भारतमा खेलिएको सिरिजमा उनले शतक बनाएका थिए।
