अनिल साह एलिट प्लेयर सिरिज खेल्न सिंगापुर जाँदै

Anil Sah half century
  • विकेटनेपाल – १६ बैशाख, आइतबार

नेपाली राष्ट्रिय क्रिकेट टोलिका ओपनर ब्याट्सम्यान अनिल कुमार साह सिंगापुर प्रस्थान गर्ने भएका छन्। सिंगापुरमा आयोजना हुने एलिट प्लेयर सिरिजको दोस्रो संस्करणमा सहभागी हुन अनिल आइतबार राती त्यसतर्फ प्रस्थान गर्नेछन्।

क्रिकेट प्लेयर एसोसियसन नेपालले प्रेस बिज्ञप्ति जारि गर्दै अनिल सिंगापुर प्रस्थान गर्न लागेको जानकारी दिएको हो। सिंगापुर क्रिकेट बोर्डको निमन्त्रणा र क्रिकेट प्लेयर एसोसियसन नेपालको संयोजनमा अनिललाई एलिट प्लेयर सिरिजमा सहभागी हुने मौका मिलेको हो। उनले प्रतियोगितामा एस.जी क्रिम्सन टिमबाट सहभागिता जनाउने छन्।

अनिलसंगै क्रिम्सनको टोलिमा जिम्बाबेका खेलाडी रिचर्ड नगर्भा समेत रहेका छन्। क्रिम्सनको टोलिको प्रशिक्षकका रुपमा पाकिस्तानका बिलाल असद रहेका छन्। यो प्रतियोगिताको दोस्रो संसकरण हो।

प्रतियोगिताको खेल तालिका

मे १ तारिखबाट सुरुहुने प्रतियोगितामा ३ टोलिको सहभागिता रहेको छ। अनिल सहभागी टोलि क्रिम्सनले पहिलो दिन दुई खेल खेल्ने छ। यस्तै क्रिम्सनले मे २ तारिखमा र मे ४ तारिखमा थप दुई खेल्ने तालिका रहेको छ। प्रतियोगिताको फाईनल मे ५ तारिखमा हुनेछ। अनिललाई सिंगापुर क्रिकेट बोर्डले खान बस्न र फिर्ता आउने हवाई टिकट उपलब्ध गराउने जानकारी समेत प्रेस बिज्ञप्तिमा जनाइएको छ।

Anil Sah
Anil Sah

सिंगापुरका स्थानीय खेलाडीहरुसंगै प्रतियोगितामा थाइल्याण्ड, जिम्बाबे, इन्डोनेसिया र नेपालबाट खेलाडीहरु सम्मिलित रहेका छन्। जिम्बाबेका ४ खेलाडीले प्रतियोगितामा सहभागिता जनाउने छन्। अनिलसंगै रिचर्ड नगर्भा क्रिम्सनको टोलिमा रहेका छन् भने जिम्बाबेका पुर्व कप्तान एल्टन चिगुम्बुरा र नेथन वालर क्रिसेंट्सको टोलिमा रहेका छन्। यस्तै माल्कम वालर र नेबिल माडजिभाभने स्टार्सको टोलिमा रहेका छन्।

प्रतियोगितामा सहभागी खेलाडी र टोलीहरु

कलैयामा जन्मेका दायाँ हाते ब्याट्सम्यान अनिल कुमार साहले नामिबियामा केहि महिना अघि सम्पन्न आइसीसी विश्व क्रिकेट लिग डिभिजन-२ मा केन्या बिरुद्दको खेलबाट डेब्यु गरेका थिए। त्यसअघि अन्डर-१९ समुहमा उत्कृस्ट प्रदर्शन गरेका अनिलले एभरेष्ट प्रिमियर लिगको दोस्रो सिजनमा बिराटनगर वारियर्सलाई उपाधि दिलाउन महत्वपूर्ण भूमिका खेलेका थिए ।





थप समाचार

विश्वकप छनोट खेल्न दक्षिण अफ्रिका जाँदै सन्दीप

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछानेलाई पठाउने तयारी गरिएको छ। सन्दीपलाई दक्षिण अफ्रिकामा हुने अभ्यास खेल […]

डीएभी सुशील केडिया स्कुलमा ३ उदीयमान क्रिकेटरका लागि पूर्ण छात्रवृत्ति अवसर 

काठमाडौं, ललितपुरमा रहेको डीएभी सुशील केडिया विश्व भारती स्कुलले तीन जना उदीयमान क्रिकेटरलाई पूर्ण छात्रवृत्ति प्रदान गर्ने भएको छ । […]

क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ […]

एसीसी प्रिमियर कप : नेपाल र युएईबीचको बाँकी फाइनल खेल आज

  काठमाडौँ । काठमाडौँमा जारी एसीसी प्रिमियर कपमा सोमबार रोकिएको नेपाल र युएईबीचको फाइनल खेल आज (मंगलबार)सुरु हुदैछ । सोमबार […]

क्याम प्रिमियर लिग : जफर अन्सारीको अलराउन्ड प्रदर्शन

काठमाडौं, वैशाख १२– जफर अन्सारीको अलराउन्ड प्रदर्शन प्रेरित अमदब्लाम क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेटमा […]

वैशाख १३ देखि पिवाइसी बिबिए कप ट्वान्टी–२० क्रिकेट

काठमाडौं, वैशाख १०– पब्लिक युथ क्याम्पसको आयोजनामा वैशाखको दोस्रो सातादेखि पिवाइसी बिबिए कप ट्वान्टी–२० क्रिकेट प्रतियोगिता हुने भएको छ । […]