महिला प्रम कप : एकतर्फी खेलमा लुम्बिनीलाई पराजित गर्दै प्रदेश-१ फाइनलमा

दाङमा जारि प्रधानमन्त्री कप महिला राष्ट्रिय टि-२० प्रतियोगिताको दोश्रो सेमीफाइनलमा प्रदेश-१ ले लुम्बिनी प्रदेशलाई १० विकेटले पराजित गरेको छ।

प्रतियोगिताको फाइनलमा प्रदेश-१ ले आइतबार शशस्त्र प्रहरी बल ( एपीएफ ) संग प्रतिस्पर्धा गर्नेछ। डिफेन्डिङ च्याम्पियन एपीएफले शनिवारनै सम्पन्न पहिलो सेमीफाइनलमा सुदूरपश्चिम प्रदेशलाई ९ विकेटले पराजित गरेको थियो।

लमही क्रिकेट मैदानमा सम्पन्न दोश्रो सेमीफाइनलमा लुम्बिनीले दिएको ५३ रनको लक्ष्य प्रदेश-१ ले विकेट नगुमाई ८.५ ओभरमा भेटायो। स्कोरकार्ड 

प्रदेश-१ कप्तान रुबिना क्षेत्रीले ३० बलमा २ चौका र १ छक्का मद्दतले अविजित २६ तथा काजल श्रेष्ठले २३ बलमा २ चौका मद्दतले २२ रन बनाउदै टिमलाई जितसम्म पुर्याए।

यस अघि टस जितेर ब्याटिंग रोजेको लुम्बिनी प्रदेश १४.१ ओभरमा ५२ रनमै सम्पूर्ण विकेट गुमाएको थियो।

लुम्बिनीको लागि नितु भण्डारीले २१ रन बनाउनु बाहेक अन्य खेलाडीले दोहोरो अंकमा रन बनाउन सकेनन्। उसका ५ जना ब्याट्सउमन रन आउट भए भने १ जना स्टम्प आउट भए। प्रदेश-१ को बलिंगमा निगिमा तामांग र संगीता राईले समान २ विकेट तथा रुबिना क्षेत्रीले १ विकेट लिए।

प्रतियोगिताको विजेता टिमले ५ लाख रुपैयाँ तथा उपविजेताले ३ लाख रुपैयाँ प्राप्त गर्नेछन्। यस्तै सेमीफाइनलमा पराजित हुने दुई टिमले २५ हजार रुपैयाँ प्राप्त गर्नेछन्। प्रतियोगिताको उत्कृस्ट खेलाडीले २१ हजार तथा उत्कृस्ट ब्याटिंग र बलिंग गर्ने खेलाडीले समान १० हजार रुपैयाँ प्राप्त गर्नेछन्।





थप समाचार

अर्जुन ट्रफी : दशरथ चन्द एकेडेमी र घोडाघोडी–११ विजयी

कैलाली । क्रिकेटको शहर धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा दशरथ चन्द एकेडेमी बैतडी र घोडाघोडी–११ सुख्खड […]

थाइल्यान्डमाथि नेदरल्यान्ड्सको जित

काठमाडौं । त्रिकोणात्मक महिला टी–२० अन्तर्राष्ट्रिय शृंखलामा थाइल्यान्डमाथि नेदरल्यान्ड्सले एक विकेटको रोमाञ्चक जित दर्ता गरेको छ। त्रिवि क्रिकेट मैदानमा बिहिवार […]

अर्जुन ट्रफीः बोष्टन झापाको जितले डडेल्धुरा र धनगढी सेमिफाईनलमा

कैलाली, माघ २३ क्रिकेटको शहर धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा क्रिकेट प्रतियोगितामा बोष्टन क्रिकेट झापाले सान्त्वना जित हात […]

नेपालको लगातार पाँचौं हार

काठमाडौं। नेपाल त्रिकोणात्मक महिला अन्तर्राष्ट्रिय टी–२० सिरिजअन्तर्गत पाँचौं खेलमा पनि पराजित भएको छ। बुधबार सम्पन्न खेलमा नेदरल्यान्ड्सले नेपाललाई १० विकेटले […]

लोकेशको अर्धशतकमा डिसिए धनगढी लगातार दोस्रो खेलमा विजयी

क्रिकेटको शहर धनगढीमा भईरहेको अर्जुन ट्रफी राष्ट्रिय क्रिकेट प्रतियोगितामा बुटवलले विजयी सुरुवात गरेको छ । गो ड्रिर्मसको आयोजनामा भईरहेको प्रतियोगिताको […]

नेपालको लगातार चौथो हार

काठमाडौं । त्रिकोणात्मक टी–२० आई महिला सिरिअन्तर्गत आफ्नो चौथो खेलमा नेपाल थाइल्यान्डसँग ५ रनले पराजित भएको छ। त्रिवि क्रिकेट मैदानमा […]