इनरुवामा जारी रात्रीकालिन टि-२० क्रिकेट प्रतियोगितामा आयोजक इनरुवालाई ४१ रनले पराजित गर्दै शशस्त्र प्रहरी बल – एपीएफ फाइनल प्रवेश गरेको छ।
सेमीफाइनल पुगेको अर्को टिम जनकपुरले प्रतियोगिता छाडेपछि एपीएफ सोझै फाइनल प्रवेश गरेको हो।
खेलमा पहिले ब्याटिंग गर्दै एपीएफले दिएको १७४ रनको लक्ष्य पछ्याउने क्रममा इनरुवाले १९ ओभरमा सबै विकेट गुमाएर १३२ रन मात्र बनाउन सक्यो।
एपीएफको बलिंगमा इरसाद एहमदले सर्वाधिक ३ तथा अमर सिंह रौटेलेले २ तथा शरद भेसावकर, विकास आग्री र कृष्ण कार्कीले समान १/१ विकेट लिए। इनरुवाका २ जना ब्याट्सम्यान रन आउट भए। इनरुवाको लागि पुष्प थापाले सर्वाधिक २५ , राकेस सोनीले २१, दिपेश कंडेलले १६ तथा सोनु मण्डलले १४ रन बनाए।
यस अघि टस जितेर ब्याटिंग गरेको एपीएफले २० ओभरमा ८ विकेट गुमाएर १७३ रन बनाएको थियो।
एपीएफ ओपनर आसिफ शेखले सर्वाधिक ४४ रन बनाए जुन क्रममा ३२ बलमा ४ चौका र २ छक्का प्रहार गरे। पृथु बास्कोटाले १९ बलमा ४ चौका र ३ छक्का मदतले ३७ रन बनाए। यस्तै प्रदिप ऐरीले २५, कृष्ण कार्कीले २४ रन बनाए। कार्कीले अन्तिममा विस्फोटक ब्यतींग गर्दै ११ बलमा १ चौका र ३ छक्का प्रहार गरे। शरद भेसावकरले ९ रन मात्र बनाउन सके।
इनरुवाको बलिंगमा सरोज बस्नेतले ३ , दिपेश कंडेलले २ तथा फिर्दोश अन्सारी र सोनु मण्डलले १/१ विकेट लिए।
कृष्ण कार्की खेलको प्लेयर अफ द म्याच चुनिए।
