प्रधानमन्त्री कप : शरदको कप्तानीमा एपीएफ टिम, सुबास र बसन्त बाहिर

पुष २६ गते देखि काठमाडौँमा सुरु हुने प्रधानमन्त्री कप टि-२० राष्ट्रिय प्रतियोगिताको लागि विभागीय टोलि नेपाल एपीएफ क्लबले १४ सदस्यीय टिमको घोषणा गरेको छ।

शरद भेसावकर कप्तानीको टिममा प्रदिप ऐरी, कमल सिंह ऐरी, सन्दिप जोरा, अविनाश बोहरा, आसिफ शेख, भुवन कार्की जस्ता राष्ट्रिय क्रिकेटर छन्।

यो पटक एपीएफ टिममा करन केसी, सुबास खकुरेल, बसन्त रेग्मी, शंकर राना र सुर्य तामाङले भने छैनन्। एपीएफ छोडेका करन नेपाल पुलिस क्लबमा अनुबन्धित भएका छन्। यस्तै हाल अमेरिकामा रहेका भेट्रान देब्रे हाते स्पिनर बसन्त रेग्मी पनि टिममा छैनन्। यस्तै ओपनर सुबास खकुरेल एपीएफ छाडेर यो पटक बागमती प्रदेशबाट खेल्नेछन्। शंकर राना पनि एपीएफ छाडेर नेपाल पुलिस क्लबमा पुगेका छन्।

एपीएफले यो पटक टिममा लोकेश बम, पुरन बिक, दिपक बोहरालाई भित्र्याएको छ। आक्रामक ब्याटिंग गर्ने बमले नेपाली यु-१९ राष्ट्रिय टिमको प्रतिनिधित्व गरिसकेका छन् भने यस अघि आर्मी क्लबको प्रतिनिधित्व गर्दथे। यु-१६ राष्ट्रिय क्रिकेट टिमको प्रतिनिधित्व गरिसकेका दिपक बोहरा सुदूरपश्चिम प्रदेशका हुन् जसले दुई वर्ष अघि एमएम कपमा सुदूरपश्चिमको प्रतिनिधित्व गरेका थिए। यस्तै राष्ट्रिय क्रिकेटर सोमपाल कामिको भाइ पुरण बिक पनि टिममा छन्। पुरणले २०१९ को पोखरा प्रिमियर लिगमा बुटवल ब्लास्टर्सको प्रतिनिधित्व गरेका थिए।

नेपाल एपीएफ क्लब टिम : शरद भेसावकर, प्रदिप ऐरी, सन्दिप जोरा, आसिफ शेख, लोकेश बम, रित गौतम, सुमित महर्जन, भुवन कार्की, अमर सिंह रौटेला, कमल सिंह ऐरी, अविनाश बोहरा, किशोर महतो, पुरण बिक, दिपक बोहरा

प्रधानमन्त्री कपको पछिल्लो संस्करण ( एकदिवसीय ) फाइनलमा एपीएफ त्रिभुवन आर्मी क्लबसंग ३२ रनले पराजित भएको थियो।

प्रतियोगितामा एपीएफ समुह ‘बि’ मा छ जुन समुहमा प्रदेश-२, बागमती प्रदेश, लुम्बिनी प्रदेश र गण्डकी प्रदेश छन्। समुह ‘ए’ मा त्रिभुवन आर्मी क्लब, कर्णाली प्रदेश, नेपाल पुलिस क्लब, सुदूरपश्चिम प्रदेश र प्रदेश नम्बर-१ छन्।

प्रतियोगितामा ७ वटा प्रदेश र तिन वटा विभागीय गरि १० टोलि सहभागी हुनेछन्। १० टिमलाई समुह ‘ए’ र ‘बि’ गरि दुई समुहमा बिभाजन गरिएको छ। समुह चरणमा सबै टिमले एक-अर्कासंग एक/एक खेल खेलेपछि दुवै समुहको उत्कृस्ट दुई टिम सेमीफाइनल पुग्नेछन्। खेलहरु टियु अन्तर्राष्ट्रिय मैदान कीर्तिपुर र मुलपानी मैदानमा आयोजना हुनेछ।





थप समाचार

पाँचपोखरी टी-२० क्रिकेट प्रतियोगिता आजबाट सुरु

काठमाडौं । पाँचपोखरी टी-२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा सुरु भएको छ । शनिबार एक कार्यक्रममका बिच पाँचपोखरी […]

नेदरल्यान्ड्सविरुद्ध नेपाल : सम्भावित प्लेईङ-११, एक परिवर्तनको सम्भावना

काठमाडौं । २०२७ मा दक्षिण अफ्रिका, जिम्बावे र नामिबियामा आयोजना हुने ओडिआई विश्वकपको छनोटको रुपमा रहेको विश्वकप लिग टू अन्तर्गतको […]

नेदरल्यान्ड्समाथि नामिबियाको ऐतिहासिक जित

काठमाडौं । नामिबियाले नेदरल्यान्ड्समाथि ऐतिहासिक जित निकालेको छ । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाई आफ्नो ओडिआई ईतिहासमा […]

नेदरल्यान्ड्सलाई २०४ रनको लक्ष्य

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नेदरल्यान्ड्सलाइ नामिबियाले जितका लागि २ सय ४ रनको लक्ष्य दिएको छ […]

नेदरल्यान्ड्सले टस जित्यो

काठमाडौं । विश्वकप लिग टू अन्तर्गतको जारी त्रिकोणात्मक सिरिजमा नामिबियाविरुद्ध नेदरल्यान्ड्सले टस जितेको छ । सिरिजको पाँचौ खेलमा नेदरल्यान्ड्सका कप्तान […]

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]