- विकेटनेपाल, २४ भदौ
अफगानिस्तान क्रिकेट बोर्ड ( एसीबि ) ले पहिलो पटक आयोजना गर्न लागेको अफगानिस्तान प्रिमियर लिगको ( एपीएल ) ड्राफ्टमा ३ जना नेपाली खेलाडीहरु पनि समाबेस गरिएका छन्।
पहिलो संस्करणको एपीएल युनाइटेड अरब इमिरेट्सकको शारजाहं क्रिकेट मैदानमा ५ देखि २३ अक्टोबर ( असोज १९ – कार्तिक ६ ) सम्म आयोजना हुनेछ। एपीएलको ड्राफ्ट कार्यक्रम सोमबार युएईमा हुँदैछ जसमा ३५० भन्दा बढी खेलाडीहरु सहभागी हुनेछन्।
नेपालबाट सन्दिप लामिछाने सहित, पारस खड्का र सोमपाल कामि ड्राफ्टमा रहेका छन्। सन्दिपले आईपीएल, क्यानडा ग्लोबल टि-२० र सीपीएल खेलीसके पनि पारस खड्का र सोमपाल कामि लगायत अन्य कुनै नेपाली खेलाडीहरु हालसम्म बिश्वस्तरीय लिगमा खेलेका छैनन्। सन्दिप पछि ठुलो बिदेशी लिगमा अन्य खेलाडीहरु परेको यो पहिलो पटक हो।
पारस खड्का लगातार कप्तान र खेलाडीको रुपमा निरन्तर एसोसीएट क्रिकेटमा उत्कृस्ट खेलाडीको रुपमा आफुलाई प्रमाणित गरिरहेका छन् भने सोमपाल कामिले पनि आफुलाई बारम्बार एसोसिएट क्रिकेटको उत्कृस्ट अल-राउण्डरको रुपमा प्रमाणित गरेका छन्। सन्दिप पछि ठुलो स्तरमा पारस र सोमपालले मौका पाउनेछन् या पाउने छैनन् सोमबार हुने ड्राफ्टले निर्धारण गर्नेछ।
एपीएल ड्राफ्टमा अफगानिस्तान सहित, पाकिस्तान, बंगलादेश, श्रीलंका,वेस्ट इन्डिज, साउथ अफ्रीका, अस्ट्रेलिया,इंग्ल्याण्ड, आयर ल्याण्ड, जिम्बाबे, युएई, स्कटल्याण्ड, हंगकंग, ओमान,नेपाल र क्यानडाका खेलाडीहरुले नाम दर्ता गराएका छन्।
Stay tuned as players from Afghanistan, Pakistan, Bangladesh, Sri Lanka, West Indies, South Africa, Australia, England, Ireland, Zimbabwe, UAE, Scotland, Hong Kong, Oman, Nepal and Canada wait to be picked up by the franchises. Read more https://t.co/AOJTRnxabd #APLT20 #Cricket pic.twitter.com/LcjF7X2tJV
— Afghanistan Premier League (@APLT20official) September 8, 2018
ड्राफ्टमा रहेका खेलाडीहरुलाई आइकन, डायमण्ड, गोल्ड, सिल्भर, आईसीसी एसोसीएट र इमर्जिङ्ग गरि बिभिन्न ६ श्रेणीमा बिभाजन गरिएको छ। खेलाडीहरुको श्रेणी , नामहरु र मूल्य लगायत जानकारी अफगानिस्तान प्रिमियर लिगले खुलाएको छैन।
एपीएलमा कुल ५ वटा टिम सहभागी हुने छन् जसको घोषणा यसैसाता अफगानिस्तान क्रिकेट बोर्डले गरेको हो। काबुल, बल्ख, कन्दहर, नगरहर र पक्तिया गरि ५ वटा अफगानिस्तानको सहरको नाममा टिमको नाम राखिएको छ। अंतर्रास्ट्रिय क्रिकेट परिषद ( आईसीसी ) ले गत महिनानै अफगानिस्तान प्रिमियर लिगलाई अनुमति दिईसकेको छ।
