- विकेटनेपाल- २९ जेठ
युएईको अल्टिमेट स्पोर्ट्स म्यानेजमेन्टले यही जुन १९ देखि जुलाई ४ सम्म नेपालमा एसियन प्रिमियर लिग टि-२० प्रतियोगिता आयोजना गर्ने भएको छ l
प्रतियोगितामा इन्डीयन स्टार्स, श्रीलंकन लायन्स, बंगलादेश टाइगर्स, दुबई वारियर्स, नेपाल स्टर्म, अफगानिस्तान बुल्स गरी ६ टोलि सहभागी हुनेछन् l इन्डियन स्टार्स टिमको कप्तानी श्रीलंकन खेलाडी तिलकरत्ने दिलशानले , श्रीलंकन लायन्सको कप्तानी अर्का श्रीलंकन खेलाडी फर्भेज महरुफले, बंगलादेश टाइगर टिमको कप्तानी बंगलादेशी खेलाडी अल अमिन हुसेनले , दुबई वारियार्सको कप्तानी अब्दुल शाकुरले , नेपाल स्टर्मको कप्तानी स्वप्निल पाटिलले तथा अफगानिस्तान बुल्सको कप्तानी पाकिस्तानी खेलाडी राना नाभेद उल हसनले गर्ने बताईएको छ l
रास्ट्रिय खेलकुद परिषदले अनुमति दिएको र सहकार्य समेत गर्ने प्रतियोगिताको सम्पूर्ण खेलहरु त्रिभुवन
विश्व बिद्यालय किर्तिपुर मैदानमा संचालन हुनेछ l
प्रतियोगिताको लागि खेल्ने खेलाडीहरु छनौट गर्न सोमबार अक्सन गरिनेछ l अक्सन मार्फत १५० जना दर्ता भएका खेलाडीबाट १०८ जना खेलाडी छनौट हुने आयोजकले बताएका छन् l खेलाडीहरुलाई ए , बि, सी गरि तिन श्रेणीमा बर्गिकरण गरिनेछ l
पहिले दुबईमा हुने भनिएको प्रतियोगिता बिबिध समस्याहरुको कारण नेपालमा गर्ने निर्णय गरिएको आयोजक अल्टिमेट स्पोर्ट्स म्यानेजमेन्टका प्रमुख आरएस डांडीवालले बताएका छन् l
प्रतियोगिताको बिजेताले ४० लाख रुपैयाँ तथा उपविजेताले १६ लाख रुपैया प्राप्त गर्नेछन् l प्रतियोगिताको उत्कृस्ट खेलाडीले कार तथा म्यान अफ द म्याचले २५ हजार रुपैयाँ प्राप्त गर्ने छन् l
