दोश्रो वानडेमा अस्ट्रेलियालाई २४ रनले पराजित गर्दै इंग्ल्यान्डले तिन वानडेको सिरिज १-१ को बराबरीमा ल्याएको छ। पहिलो वानडेमा इंग्ल्यान्ड १९ रनले पराजित भएको थियो। ओल्ड ट्र्याफोर्ड म्यानचेस्टरमा सम्पन्न खेलमा इंग्ल्यान्डले दिएको २३२ रनको लक्ष्य पछ्याउने क्रममा अस्ट्रेलियाले ४८.४ ओभरमा २०७ रनमा सम्पूर्ण विकेट गुमाउन पुग्यो।
लक्ष्य पछ्याउने क्रममा नवौं विकेट १७६ रनमा गुमाएको अवस्थामा विकेटकिपर ब्याट्सम्यान एलेक्स केरिले दशौँ विकेटको लागि जोश हेजलवुडसंग ३१ रनको साझेदारी गरेर जित दिलाउने प्रयास गरेता पनि ४९ औं ओभरमा आदील रशिदले केरीलाई स्टम्प आउट गर्दै इंग्ल्यान्डलाई जित दिलाए। केरीले ३६ रन बनाए भने हेजलवुड ७ रनमा अविजित रहे।
अस्ट्रेलियाको लागि कप्तान आरोन फिन्चले सर्वाधिक ७३ तथा मार्नस लाबुसेनले ४८ रन बनाए। ओपनर डेभिड वार्नर ६ तथा मार्कस स्टोइनिस ९ रन बनाएर जोफ्रा आर्चरबाट आउट भएपछि तेश्रो विकेटको लागि फिन्च र लाबुसेनले १०७ रनको साझेदारी गरेका थिए।
३१ औं ओभरमा क्रिस वोक्सले लाबुसेनको विकेट लिएपछि अस्ट्रेलियाले लगातार विकेट गुमाउन पुग्यो।मिचेल मार्श र ग्लेन म्याक्सवेल समान १ रन बनाएर आउट भए। १४४/२ को अवस्थाबाट अस्ट्रेलिया १४७/६ को अवस्थामा पुग्यो। तल्लो क्रममा प्याट कमिन्स ११, मिचेल स्टार्क ० तथा एडम जम्पा २ रन बनाएर स्याम करनको शिकार बने।
इंग्ल्यान्डको बलिंगमा जोफ्रा आर्चर ( १०-२-३४-३) , क्रिस वोक्स ( १०-१-३२-३ ) र स्याम करनले ( ९-०-३५-३ ) समान ३/३ विकेट लिए। आदील रशिदले १ विकेट लिन ९.४ ओभरमा ६७ रन खर्चिए। किफायती बलिंग गरेका करन ( १०-२-२८-० ) विकेटविहिन रहे।
इंग्ल्यान्डको ब्याटिंग
यस अघि टस जितेर ब्याटिंग गरेको इंग्ल्यान्डले ५० ओभरमा ९ विकेट गुमाएर २३१ रन बनाएको थियो।
प्तान ओएन मोर्गनले सर्वाधिक ४२, जो रेटले ३९, टम करनले ३७, आदील रशिदले अविजित ३५ रन तथा जेसन रोयए २१ रन बनाए। जोस बटलरले ३ रन बनाउदा अघिल्लो खेलमा शतक बनाएका स्याम बिलिंग्स ८ रन बनाएर आउट भए। जोनी बेयरस्टोले खाता खोल्न सकेनन्। तेश्रो विकेटको लागि कप्तान मोर्गन र रुटले ६१ रनको तथा नवौं विकेटको लागि टम करन र आदील रशिदले ७६ रनको साझेदारी गर्दै टिमलाई सम्मानजनक योगफल तिर डोर्याएका थिए।
अस्ट्रेलियाको बलिंगमा लेग स्पिनर एडम जाम्पाले सर्वाधिक ३ विकेट लिए जुन क्रममा १० ओभरमा ३६ रन खर्चिए। मिचेल स्टार्कले २ ( १०-१-३८-२ ) विकेट लिए भने जोश हेजलवुड, प्याट कमिन्स र मिचेल मार्शले समान १ विकेट लिए।
सिरिज अन्तर्गत तेश्रो तथा निर्णायक खेल सेप्टेम्बर १६ तारिख बुधबार म्यानचेस्टरमा खेलिनेछ।
थप समाचार :-
क्रिकेटर ललितको अवस्था खतरामुक्त
श्रीसांतको ७ वर्षे प्रतिबन्ध सकियो, क्रिकेटमा फर्कने घोषणा
फिक्सिंग आरोपमा दुइ युएई क्रिकेटर आईसीसीद्वारा निलम्बित
आईपीएल खेल्न युएई पुग्दै सन्दिप, पहिलो खेल खेल्ने सम्भावना कम‘
IPL : एक सिजनमा सर्वाधिक रन बनाउने ५ खेलाडी
