धनगढी । यही माघ १९ गतेदेखि २८ गते हुने अर्जुन ट्रफी राष्ट्रिय क्रिकेट प्रतियोगिताको टिकट खल्ती एपबाट किन्न सकिनेभएको छ ।
प्रतियोगिताको टिकेटिङ पार्टनरको रुपमा खल्ती जोडिएको हो । डिजिटल वालेट खल्तीबाट टिकट काटेर खेल हेर्ने दर्शकहरुलाई टिकट बराबरको आकर्षक उपहार पनि दिइने आयोजकले जानकारी दिएको छ ।
फाप्ला अन्तराष्ट्रिय क्रिकेट मैदानमा हुने प्रतियोगिताका लागि टिकट दर भिआइपीतर्फ २०० र साधारणतर्फ १०० रुपैयाँ तोकिएको छ ।
दर्शकलाई बस्नका लागि कृतिम प्याराफिट बनाइएको छ । हालै सम्पन्न नेपाल प्रिमियर लिग (एनपिएल) मा त्रिभुवन अन्तराष्ट्रिय क्रिकेट मैदानमा निर्माण गरिएको कृतिम प्याराफिटलाई धनगढी ल्याएर जडान गरिएको हो ।
नेपाल क्रिकेट संघको वार्षिक क्यालेन्डरमा समावेश प्रतियोगितामा सहभागी आठ टोलीलाई दुई समुहमा विभाजन गरिएको छ । समुह ‘ए’ मा डिसिए धनगढी, फेन्ड्स युवा क्लब डडेल्धुरा, घोडाघोडीऔ११ सुख्खड कैलाली र बोस्टन क्रिकेट झापा तथा समुह ‘बी’ मा सिवाईसी अत्तरिया, दशरथ चन्द एकेडेमी बैतडी, क्रिकेट एक्सिलेन्स सेन्टर काठमान्डौं न्यु होराईजन बुटबल छन् ।
गो ड्रिमर्सको आयोजनामा हुने प्रतियोगिताको उद्घाटन खेलमा उद्घाटन खेलमा डिसिए धनगढी र फेन्ड्स युवा क्लब डडेल्धुरा भिड्ने छन् ।
