आर्मीलाई कर्णाली प्रिमियर लिगको उपाधि

  • विकेटनेपाल, १२ जेठ  – सुर्खेत 

सुर्खेतको रंगशाला मैदानमा सम्पन्न रुस्लान कर्णाली प्रिमियर लिगको उपाधि त्रिभुवन आर्मी क्लबले जितेको छ। फाइनल खेलमा रुपन्देही-११ लाई ३७ रनले पराजित गर्दै आर्मीले उपाधि हात पारेको हो। उपाधि सहित आर्मीले ३ लाख रुपैयाँ तथा उपविजेता रुपन्देही-११ ले १ लाख ५० हजार रुपैयाँ प्राप्त गर्यो।

प्रतियोगिताको उत्कृस्ट खेलाडी रुपन्देही-११ का सन्दिप सुनार घोषित भए जसले रु.  २५ हजार प्राप्त गरे। यस्तै उत्कृस्ट ब्याट्सम्यान आर्मीका सागर पुन तथा उत्कृस्ट बलर रुपन्देहीका कृष्ण कार्की घोषित भए, दुवैले  १० हजार रुपैयाँ प्राप्त गरे।

Tribhuwan Army Club
Tribhuwan Army Club

फाइनलमा टस हारेर ब्याटिंग गरेको त्रिभुवन आर्मी क्लबले निर्धारित २० ओभरमा ७ विकेट गुमाएर १३२ रनको योगफल तयार गरेको थियो।

आर्मीको लागि ओपनर सागर पुनले सर्वाधिक ३८ रन योगदान दिए जुन क्रममा ३९ बलमा ४ चौका र १ छक्का प्रहार गरे। यस्तै बिनोद भण्डारीले २८ रन तथा राजेश पुलामीले २२ रन बनाए। रुपन्देहीका बलर बिकाश श्रेष्ठले सर्वाधिक ३ विकेट हात पारे जुन क्रममा ४ ओभरमा २१ रन खर्चिए। यस्तै बसिर अहमद, बिक्रम भुसाल र सन्दिप सुनारले समान १/१ विकेट आफ्नो नाम गरे।

दोश्रो इनिंगमा १३३ रनको लक्ष्य पछ्याउने क्रममा रुपन्देहीले १७.५ ओभरमा ९५ रनमै सम्पूर्ण विकेट गुमाउन पुग्यो। आर्मीका बलर बिक्रम सोबले सर्वाधिक ३ विकेट तथा हरि कृष्ण झा र सुशन भारिले समान २/२ विकेट हात पारे। रुपन्देहीको लागि निश्चल चौधरीले सर्वाधिक २६ रन, सन्दिप सुनारले २४ रन, शक्ति गौचनले १७ रन तथा सौरभ खनालले १६ रन योगदान दिए।

फाइनल खेलको प्लेयर अफ द म्याच बिक्रम सोब चुनिए। जेठ ३ गते देखि सुरु भएको प्रतियोतामा १० क्लब टिमहरुको सहभागिता रहेको थियो।

 

 

 





थप समाचार

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]

गायकवाडको शतकमा लखनाउलाई २११ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा कप्तान ऋतुराज गायकवाडको शतकको सहयोगमा चेन्नई सुपर किंग्सले […]