- विकेटनेपाल, १७ जेठ
प्रधानमन्त्रि कप क्रिकेट प्रतियोगिताको पाँचौ दिनको खेलमा त्रिभुवन आर्मी क्लबले प्रदेश नम्बर-२ लाई ५५ रनले ( डिएल मेथड ) पराजित गरेको छ।
टस जितेर ब्याटिंग गरेको आर्मीले ४९.३ ओभरमा सम्पूर्ण विकेट गुमाएर २४४ रनको स्कोर खडा गरेको थियो। उसको लागि राजु रिजालले सर्वाधिक ५० रन ( ८५ बल, ५ चौका १, छक्का ) , सोमपाल कामिले ४१ रन ( २८ बल, ३ चौका र १ छक्का ) , राजेश पुलामीले ४० रन ( ४४ बल, २ चौका र २ छक्का ) , अनिल मण्डलले ३५ तथा बिनोद भण्डारीले २३ रन योगदान दिए।
प्रदेश नम्बर २ बार दिब्यान्शु मलिकले सर्वाधिक ३ विकेट तथा मेहबुब आलम, राशिद खान र संसाद शेखले समान २ विकेट हात पारे।
जवाफमा २४५ रन लक्ष्य पछ्याएको प्रदेश नम्बर-२ ले ४० ओभरमा सबै विकेट गुमाएर १८२ रन मात्रै बनाउन सक्यो। उसको लागि सुरज पटेलले सर्वाधिक ४८ रन, राशिद खान र हरिशंकर शाहले समान ३४ रन तथा हसिम अन्सारीले २८ रन बनाए।
प्लेयर अफ द म्याच समेत चुनिएका आर्मीका बलर सोमपाल कामिले सर्वाधिक ३ विकेट तथा सागर पुन, सुशन भारि र शाहब आलमले समान २ विकेट लिए।
